Amierykanski šmatmetavy źniščalnik F-22 Raptor upaŭ na šašu ŭ štacie Fłaryda, pieradajuć infarmacyjnyja ahienctvy.
Avijakatastrofa adbyłasia niedaloka ad avijabazy VPS ZŠA «Tyndał» (Tyndall AFB). Piłot paśpieŭ katapultavacca, jamu akazanaja miedycynskaja dapamoha. Infarmacyi pra inšych paciarpiełych pakul niama. Pra pryčyny avijacyjnaha incydentu taksama pakul ničoha nie paviedamlajecca.
U traŭni hetaha hoda byli nakładzienyja žorstkija abmiežavańni na paloty samalotaŭ hetaj madeli.U tym liku ad piłotaŭ zapatrabavali addalacca na adlehłaść, jakaja nie pieravyšaje paŭhadziny lotu ad ich bazy. Hetyja miery źviazanyja z techničnaj niaspraŭnaściu samaha darahoha ŭ śviecie źniščalnika, praź jakuju ŭ lotčykaŭ uźnikała udušša padčas palotu na vialikaj vyšyni. Adnak hetyja abmiežavańni byli źniatyja ministram abarony ZŠA ŭ lipieni 2012 hoda, kali hipaksiju piłotaŭ pačali źviazvać ź niedachopami kampiensavalnaha kaściuma. U toj ža čas nazyvałasia i takaja pryčyna ŭdušša, jak admova bartavoj sistemy hienieracyi kisłarodu.
Kamientary