«Ekanomika kraina ŭ najbližejšyja hady moža nia vytrymać armiju pensijaneraŭ‑ilhotnikaŭ, što pavialičvajecca z kožnym hodam, ‑‑ kali nie pryniać novaje zakanadaŭstva», ‑‑ zajaŭlajuć ŭ Ministerstvie pracy i sacyjalnaj abarony.
Hetaje mierkavańnie vykazała ŭ razmovie z karespandentam «Interfaks» načalnik adździełu raźvićcia pensijnaj systemy hałoŭnaj upravy pensijnaha zabieśpiačeńnia i sacyjalnaha strachavańnia Ministerstva pracy i sacyjalnaj abarony Taciana Pahonyšava.
Na jaje dumku, treba źviarnuć uvahu na racyjanalnaje raschodvańnie srodkaŭ, jakija źbirajucca «na pensijnaje zabieśpiačeńnie». Pahonyšava paviedamiła, što ŭ Biełarusi nahruzka na pracujučuju častku nasielnictva, jakaja pavinna ŭtramlivać pensijaneraŭ, u 1,5 razy vyšejšaja, čym u Rasiei, i značna vyšej za krainy Bałtyi i Polšču». Pieršym krokam, jaki moža źmianić sytuacyju, moža stać zakonaprajekt ab ilhotnych pensijach. Analiz sytuacyja z pensijnym zabieśpiačeńniem na škodnych vytvorčaściach pakazvaje, što bolš za 76 pracentaŭ asobaŭ, jakija daterminova vychodziać na pensiju, nia chočuć pakidać škodnuju vytvorčaść, i praciahvajuć pracavać, atrymlivajučy pensiju.
Ciapier u Biełarusi naličvajecca 2,4 miljona pensijaneraŭ, na vypłatu pensijaŭ idzie 11 vałovaha ŭnutranaha praduktu.
Ciapier čytajuć
Baćka sa Słucka paprasiŭ dziaržavu zabrać jaho dziaciej dziela adnaŭleńnia maralnych sił1
Kamientary