16 traŭnia a 20‑j hadzinie pad ścienami pasolstva Biełarusi ŭkrainskija j biełaruskija paety buduć čytać «Odu dyktataru».
16 traŭnia a 20‑j hadzinie pad ścienami pasolstva Biełarusi ŭkrainskija j biełaruskija paety buduć čytać «Odu dyktataru». Supolnaja hramadzianskaja j mastackaja akcyja pryśviečana Dniu Salidarnaści, jaki adznačajecca 16 dnia kožnaha miesiaca ŭ Biełarusi j pa‑za jaje miežami.
A 20.10 pradstaŭniki biełaruskaj hramady Kijeva i ŭkrainskija aktyvisty zapalać śviečki ŭ pamiać pra źnikłych i zahinułych biełaruskich hramadzkich dziejačaŭ i palitykaŭ.
A 20.20 pačniecca mastackaja častka akcyi. Ukrainskija paety Oleksandr Irvanieć, Anatolij Dnistrovij, Bohdan Horobčuk, Oleh Kocariev i biełarus Andrej Chadanovič začytajuć uryŭki z svaich tvoraŭ.
Roŭna hod tamu, 16 traŭnia 2006‑ha, biełaruskija i ŭkrainskija litaratary ŭžo pravodzili sumiesnuju akcyju, jakoj zaklikali prezydenta Ŭkrainy dałučycca da sankcyj EZ, nakładzienych na vysokich čynoŭnikaŭ Biełarusi, jakija padazrajucca ŭ arhanizacyi złačynstvaŭ suprać palityčnych apanentaŭ.
Sioleta paety vychodziać na vulicu, kab zajavić pra svaju hramadzianskuju pazycyju, pračytaŭšy cykl svaich tvoraŭ pad umoŭnaj nazvaju «Oda dyktataru».
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ15
Kamientary