Paštovaja skrynka
Hańnie S. z Kojdanava. Słavamir pajechaŭ na hod u Ameryku, listujcie tudy.
Volzie I. ź Miensku. Kursy dobraj biełaruskaj movy viadzie Vincuk Viačorka. Ichny raskład možna daviedacca ŭ TBM (Rumiancava 13, teł. 213-43-52).
Kastusiu K. ź Miensku. Niazhodnyja z vašym padziełam relihijaŭ na «pazytyŭnyja» i «nehatyŭnyja». Pošuk «aptymalnaj nacyjanalnaj relihii» addaje rytorykaj. Kali niejkaje vyznańnie histaryčna isnavała ŭ Biełarusi, pryznaje biełaruskuju dziaržaŭnaść i karystajecca biełaruskaj movaj, jano nacyjanalnaje. I čym nie aptymalnaje? Aścieražniej z asobami. Vy inšy raz pad upłyvam mo adnaho jakoha ŭražańnia hatovyja vystavić na sud čytačoŭ i pryvatnaści žyćcia viadomych ludziej, i impulsiŭnyja acenki ichnaj dziejnaści. A niechta ź ich užo ŭ turmie — za Biełaruś — pasiadzieŭ, i adno heta ŭžo jość padstavaju, kab daravać im vielmi mnohaje.
Halinie R. ź Miensku, U.S. z Homiela, H.S. z Pastavaŭ, Viktaru A. ź Miensku. Vam nie spadabalisia «Dajny», Vam — «Sabačyja historyi», Vam — «Ab miastoch kryvickich...», a Vam — hutarka ź Jermałovičam. Ale jość mnoha tych, chto zachoplena sočyć za kazkami sabačaha žyćcia, ciešycca zdarovym eratyzmam narodnych «Dajnaŭ» i renesansnaha «Zdubaviećcia», adkryŭ dla siabie M.Jermałoviča. Vykazvajcie svaje niezadavalnieńni ŭ hruntoŭnych krytyčnych artykułach, pasprabujcie razabracca ŭ pryčynach svajho pačućcia — čamu hetaje, a nia toje. Tady my prysłuchajemsia i nadrukujem. Inačaj treba pavažać «zakony sužyćcia» ŭ miežach adnoj hazety. Siońnia hazetaŭ u Biełarusi mnoha, a takaja čysta biełaruskaja, jak «Naša Niva» — adna. Z hetaha vychodzić, što «NN» čytajuć biełarusy samych roznych pierakanańniaŭ, hustaŭ, vieku, viery. I pišuć taksama. Značyć, nieadmiennna budzie ŭ kožnym numary niešta, što niekamu nie padabajecca. Ale treba stavicca ciarpima da hustaŭ inšaj častki aŭtaraŭ i aŭdytoryi. Pabolšaje ŭ Biełarusi Biełarusi, paŭstanie 10 takich hazetaŭ, jak «NN», kožnaja dla svajho koła, i kožny čytač znojdzie svaju. Ale ciapier «NN» adna, i heta daje nam unikalnuju mahčymaść vučycca pluralizmu j daskanalić majsterstva karektnaj dyskusii.
Valancinie R. Pierakłady dobryja, ale tvory Barona Brambeŭsa majuć vartaść chutčej dla specyjalizavanych vydańniaŭ pa historyi litaratury.
Jurju Č. ź Miensku. Nia zhodnyja z Vašymi acenkami hetaha vydańnia. Nam najpierš kinułasia ŭ vočy, što ŭ im śviet pamyłak i intelektualnaha prachadzimstva.
Alesiu A. z Połacku. «Usie prychilna vykazvalisia ab “Hiedyminie”, niahledziačy na toje, što spektakl mieŭ dźvie dziei pa paŭtary hadziny i hučaŭ pa-biełarusku», — pišacie Vy. Heta abaryhienskaje samaaploŭvańnie.
Kamientary