Ad siońnia biełaruskija pratestanty pačynajuć trochdzionny post, paśla jakoha 17 červienia budzie praviedzienaja ahulnanacyjanalnaja malitva. Meta akcyi — pryciahnuć uvahu da parušeńnia ŭładami pravoŭ relihijnych mienšaściaŭ.
Apošnim časam adnosiny pamiž aficyjnymi ŭładami i pratestanckimi cerkvami ŭskładnilisia: departavanyja z krainy bolš za dva dziesiatki śviataroŭ — hramadzian zamiežnych dziaržavaŭ, źlikvidavanyja try pratestanckija carkvy, trojčy śviatary adbyvali aryšty za toje, što pravodzili nabaženstvy va ŭłasnych damach. Administratar carkvy «Novaje žyćcio» Vasil Jurevič aštrafavany na ahulnuju sumu kala 5 tysiač eŭra. 3 červienia ŭ mienskaj piacidziasiatnickaj carkvie, što na vulicy Hurskaha, niekalki tysiač viernikaŭ padpisali zvarot da prezydenta i vyrašyli pravieści post i ahulnanacyjanalnuju malitvu.
Raspaviadaje namieśnik biskupa Abjadnanaj carkvy Chryścijanaŭ Viery Evanhielskaj Siarhiej Cvor:
«My šmat razoŭ pisali, źviartalisia da ŭładaŭ, bo jość niestykoŭka ŭ zakanadaŭstvie. Zakon zabaraniaje pravodzić nabaženstvy ŭ žyłych damach biez specyjalnaha dazvołu, a ŭ nas 197 takich damoŭ, dzie adbyvajucca nabaženstvy. U luby momant mohuć aryštavać hetych pastaraŭ. My budziem malicca, kab Haspodź nas abaraniŭ, tamu što nie atrymlivajem adkazaŭ na piśmovyja zvaroty».
U viernikaŭ nadzieja tolki na Boha. Malicca pratestanty buduć ŭ svaich prychodach. Ale pierad malitvaj budzie trochdzionny post, kaža Siarhiej Cvor:
«My nia budziem prymać ježy, my budziem paścicca try dni. Heta biblejski pryncyp. Kali nijakija inšyja zachady nie ŭździejničajuć, čałaviek pierad Boham paŭstaje, heta ŭnutranaje źmireńnie, čałaviek źviartajecca da Hospada, admaŭlajecca ad ŭsich. My nia budziem jeści i pić. Budziem źviartacca da Boha, budziem malicca, kab Haspodź nas abaraniŭ. My vierym u siłu malitvy».
Biskup Abjadnańnia hramad Chryścijanaŭ poŭnaha Evanhiella Respubliki Biełaruś Viačasłaŭ Hančarenka paviedamiŭ, što jaho adnaviercy abaviazkova padtrymajuć inicyjataraŭ postu i ahulnanacyjanalnaj malitvy — abjadnańnie Chryścijanaŭ Viery Evanhielskaj:
«U ich samy vialiki sajuz cerkvaŭ, i jany abviaścili pra trochdzionny post i malitvu za źmienu relihijnaj abstanoŭki u krainie. A my, jak braty i siostry, dałučajemsia da ich».
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ8
Kamientary