Biełaruś praz 100 hadoŭ
Kłanavańnie Bahdanoviča
Miensk pieratvorycca ŭ vializny mehapolis — razrosły “spalny rajon”, zasieleny naščadkami miortvych viosak i imihrantami z rasiejskaj hłybinki. Dzieści za ścianoj i kolcam achovy zhubicca histaryčny centar i “elitnyja” damy. Kancesiju na vykarystańnie Čarnobylskaj zony pradaduć uvišnamu niemcu.
Sproby kłanavać viadomych ludziej skončacca rasčaravańniem — dvajnik Maksima Bahdanoviča nie zachvareje na suchoty, adnak i nie napiša čahości značnaha. Małacikavy, znervavany ŭśviedamleńniem ułasnaj vyklučnaści i patrebaj jaje spraŭdzić čałaviek.
Naščadak maładych biełarusaŭ, što emihravali za akijan na pačatku XXI stahodździa, fantastyčna razbahacieje. Uzhadavany na mitach pra volnuju Biełaruś, jon vykupić na poŭdni Atlantyki vostraŭ i stvoryć tam biełaruskuju kaloniju, zaprosić pierasialencaŭ stvarać nacyjanalnuju dziaržavu, asnovaj ekanomiki jakoj budzie ekspart kakosavych arechaŭ i bananaŭ. Pierasialency źmiašajucca ź miascovymi murynami i syntezujuć ichnyja rytualnyja pieśni z sakralnymi “Kryničeńkami”. Na vostravie zapanujuć mulaty i pidžyn-biełaruščyn.
Analahičnyja biełaruskija rezervacyi na terytoryi metrapolii, u pryvatnaści, u Čarnobylskaj zonie, buduć mieć charaktar aŭtarytarnych sektaŭ.
A čałaviečaja natura ŭ najbližejšyja sto hod nia źmienicca. Taksama niechta budzie buntavać za viartańnie da naturalnaha, “prodkavaha” ładu žyćcia — tolki tady ŭžo buduć paŭstavać suprać śvietu robataŭ, kłonaŭ i mechanistyki. Paŭstancy strasuć muzejny pył z knižak, znoŭ pačnuć słuchać klasyčnuju muzyku i stvarać realistyčnaje mastactva. Palubiać vyrablać ułasnymi rukami prostyja rečy dla chatniaha ŭžytku: zbany, draŭlanyja łaŭki, survetki. Rabić i naradžać dziaciej jany buduć naturalnym šlacham, a nie praz štučnaje apładnieńnie abo kłanavańnie, adnoviać kult manahamnaha šlubu i cnatlivaści. Ichnyja idejnyja praciŭniki, amatary “dabrotaŭ cyvilizacyi”, buduć uvieś volny čas bavić u nirvanie dziakujučy stymulataram zadavalnieńnia, užyŭlenym prosta ŭ mazhi razam ź imitatarami kachańnia.
Dy palitykam budzie prosta manipulavać natoŭpam, bo ŭsie zabaŭlalnyja ŚMI buduć mieć vychad niepasredna ŭ mazhi kožnaha.
Ludmiła Rubleŭskaja
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary