piłarama analityčnaja
Dzień naradžeńnia Haranta suverenitetu
Siońnia — dzień naradžeńnia Alaksandra Ryhoraviča Łukašenki. “Piłarama analityčnaja” dałučajecca da vinšavańniaŭ i prapanuje Vašaj uvazie ahlad śviatočnaje pošty.
Jana niemałaja. Ton bolšaści vinšavańniaŭ dziełavy, kanstruktyŭny. Ahulnuju dumku hramadzianaŭ našaj krainy vykazaŭ u svaim liście pracoŭny kalektyŭ Traktarnaha zavodu: “Nie chaciełasia b u hety śviatočny dzień havaryć pra budzionnaje, ale my ćviorda padtrymlivajem Vaš kurs, nakiravany na jadnańnie bratnich narodaŭ z poŭnym zachavańniem suverenitetu i terytaryjalnaje cełasnaści našaj krainy”. Prychodziać, praŭda, i bolš aryhinalnyja telehramy, što pakazvajuć, nakolki šyrokija słai nasielnictva i roznyja sacyjalnyja hrupy padtrymlivajuć centryscki kurs našaha Prezydenta. Tak, Zmahar niabačnaha frontu prosić pieradać Harantu bieł-čyrvona-bieły ściah i niezapoŭnienuju ankietu siabra BNF. A voś rasiejskija kinaaktory Śliźnioŭ i Paradzin, viadomyja biełaruskamu hledaču z seryjału “Lalki”, zamovili dla jaho na “Ruskim radyjo” pieśniu “Ty paviarnułaś ka mnie zadam”. Jany škadujuć, što Harant ciapier nia ź imi, i spadziajucca, što jon pa-raniejšamu “ŭsimi fibrami dušy hrukaje ŭ dźviery Kramla”. Navat trochi padzabyty ŭ nas na baćkaŭščynie Hans-Hieorh Vip dasłaŭ vinšavalny adras.
Tolki apazycyja praciahvaje, miakka kažučy, ździŭlać. Ruch “Žyć nielha!” miarkuje zładzić 30 žniŭnia akcyju pratestu pad lozunham “U dyktatara nia moža być dnia naradžeńnia!” Da čaho ž demakratyčny, nastrojeny na spakojnuju dziełavuju pracu charaktar musić mieć Harant našaje Kanstytucyi i ŭsiaje stvaralnaje pracy našaha narodu, kab spakojna reahavać na takoje.
Adździeł analityki
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary