Jašče pierad pačatkam navučalnaha hodu miascovaje ŭpraŭleńnie adukacyi pryniało rašeńnie adkryć u Mahilovie na bazie nacyjanalnaj himnazii biełaruskuju klasu.
Ale tolki čatyry siamji pažadali addać tudy dziaciej. I historyja skončyłasia vyklikam milicyi, jakaja pavinna była neŭtralizavać staršyniu abłasnoj arhanizacyi TBM Michasia Bułavackaha, što namahaŭsia pieradać aficyjnyja papiery kiraŭniku administracyi Kastryčnickaha rajonu Mahilova sp.Lebiedzievu. Dzieci praciahvajuć vučycca pa-rasiejsku, a ich baćki naleta źbirajucca znoŭ pasprabavać adkryć biełaruskuju klasu.
Maryla Karalkova z Horak dva hady była adzinaj vučanicaj biełaruskaje klasy. Ale paśla miascovaje ŭpraŭleńnie adukacyi pačało nastojliva raić baćkam pieravieści dačku ŭ “zvyčajnuju” klasu abo viaskovuju škołu. Hod dziaŭčynka pravučyłasia pa-rasiejsku, a letaś baćki vyrašyli jaje ŭ škołu nie addavać. Maryla vučycca doma pa padručnikach, uziatych u viaskovaj škole. Miž tym, pavodle infarmacyi Ministerstva adukacyi, škoła musiła arhanizavać navučańnie dziciaci pa indyvidualnaj prahramie.
kamentar “NN”
U adpaviednaści z novymi praviłami, pryniatymi Minadukacyi, dastatkova zajavaŭ baćkoŭ traich dziaciej dla arhanizacyi biełaruskamoŭnaje klasy. Hetaja norma daje dobruju mahčymaść stvarać małyja, zručnyja dla navučańnia klasy. Tamu, kali čatyry mahiloŭskija siamji źviernucca z analahičnaj prośbaj u nastupnym hodzie, klasa budzie arhanizavanaja.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary