Polšča padviała vyniki pieršaha miesiaca pracy «Kuźnicy» i «Babroŭnikaŭ»
Polšča padviała vyniki pieršaha miesiaca pracy punktaŭ propusku «Kuźnica» (ź biełaruskaha boku «Bruzhi») i «Babroŭniki» («Bierastavica») na miažy ź Biełaruśsiu. Pavodle źviestak polskaj Pamiežnaj słužby, za hety čas praź ich u krainu ŭjechali bolš za 35 tysiač čałaviek, a z Polščy ŭ Biełaruś vyjechali bolš za 37 tysiač, piša Most.
Statystyka ŭličvaje nie asobnych ludziej, a kolkaść pierasiačeńniaŭ miažy, tamu adzin i toj ža čałaviek moh traplać u padlik niekalki razoŭ. Za miesiac pamiežniki admovili va ŭjeździe 23 asobam, bo jany nie adpaviadali ŭmovam znachodžańnia ŭ krainie.
Taksama praz adkrytyja punkty propusku ŭ Polšču ŭjechała kala 14 tysiač transpartnych srodkaŭ — lehkavikoŭ, aŭtobusaŭ i hruzavikoŭ, a vyjechała prykładna 15,6 tysiačy.
Praz «Babroŭniki» afarmlajuć lehkavyja aŭtamabili i aŭtobusy, a hruzavy transpart dazvoleny tolki dla mašyn, zarehistravanych u krainach ES, Jeŭrapiejskaj arhanizacyi svabodnaha handlu, Jeŭrapiejskaj ekanamičnaj zonie i Šviejcaryi. U «Kuźnicy» pakul nie prapuskajuć ni hruzaviki, ni aŭtobusy, bo infrastruktura jašče nie padrychtavanaja.
Punkty propusku «Babroŭniki» («Bierastavica») i «Kuźnica» («Bruzhi») adkrylisia apoŭnačy 17 listapada. Pieršy byŭ zakryty 1010 dzion, druhi — 1469 dzion.
MUS Polščy prakamientavała, ci mahčymaje adnaŭleńnie čyhunačnaha ruchu ź Biełaruśsiu
«Polšča ŭžo nie taja». Biełarusy, jakija doŭha nie jeździli na zakupy, ździvilisia cenam i novym praviłam
«Zabraŭ KDB, jana tak i zastałasia na miažy». U punkty propusku, što adkrylisia, viarnulisia siłaviki i adnavili dopyty
«Kali b u Biełarusi ŭsio było dobra, to vašy b nie jechali siudy pa kaŭbasu». Repartaž z prymiežnych Babroŭnikaŭ
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak34
Kamientary