Z krasavika vy bolš nia kupicie vydańniaŭ chołdynhu «Litaratura i mastactva»: adnajmiennaj hazety j časopisaŭ «Połymia», «Maładość», «Vsiemirnaja litieratura» i «Nioman». Zaraz na ich možna budzie tolki padpisacca. A biełaruskamoŭnyja vydańni ŭ šapikach možna budzie paličyć na palcach.
Redaktar tydniovika «LiM» Anatol Kazłoŭ tłumačyć rašeńnie ekanamičnymi pryčynami: «Vyrašyli raspaŭsiudžvacca tolki praz padpisku, kab nie pracavać napustuju. Kamu cikava, toj padpišacca». Na ekanomicy robić akcent i kiraŭnik «Biełsajuzdruku» Michaił Padhajny: «My — kamercyjnaja struktura, jakaja zajmajecca raspaŭsiudžvańniem tavaru. Što datyčyć ustanovy «LiM», dyk my pahadzilisia raspaŭsiudžvać ich pradukcyju pad harantyi prodažu. Dahetul u ich byli vielmi vialikija śpisańni».
Niezaležny časopis «Arche» prablemaŭ sa śpisańniem nia maje, jano nievialikaje. Jaho redaktar Valer Bułhakaŭ pravodzić paraleli z Ukrainaj: «Tam ad prodažu litaraturna-mastackich vydańniaŭ u šapikach admovilisia ŭžo daŭno, bo jany zahadzia ličacca nieprybytkovymi». Redaktar «Arche» ličyć imaviernaj admovu «Biełsajuzdruku» ad usich litaraturna-mastackich vydańniaŭ. Ad takoj palityki paciarpieŭ užo niezaležny časopis «Dziejasłoŭ», jaki ŭ «Biełsajuzdruku» admovilisia brać na raspaŭsiud. «Nam skazali, što ŭ šapikach utvarajucca prosta hory «Połymia», «Maładości». Maŭlaŭ, litaraturna-mastackija vydańni nie karystajucca popytam. Tak što my faktyčna paciarpieli za tyja vydańni», — raspavioŭ redaktar časopisu Barys Piatrovič.
Poŭny varyjant artykułu hladzicie ŭ hazecie "Naša Niva".
Arkadź Šanski
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj7
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary