Praciahnuć naftapravod Adesa—Brody da Ventśpiłsu prapanavała łatyšam Biełaruś. Pra heta napisała hazeta «Kommiersant Baltic daily». Z takoj prapanovaju da firmy «Ventspils nafta» i łatvijskaha ministerstva znosin źviarnulisia pradstaŭniki «Biełnaftachimu». 26 krasavika ŭ Miensku, sa słovaŭ kiraŭnika tranzytnaha adździełu ministerstva znosin Łatvii Andrysa Małdupsa, adbylisia kansultacyi pa hetym pytańni.
Ventśpiłski terminał źjaŭlaŭsia hałoŭnym portam dla ekspartu rasiejskaj nafty ŭ Eŭropu. Dla hetaha vykarystoŭvalisia naftapravody z Połacku. Ale ŭ 2002 h. Rasieja źniziła pastaŭki nafty praz Łatviju, a potym i zusim ich spyniła dy pačała vykarystoŭvać ułasnyja novazbudavanyja terminały.
Naftapravod Adesa—Brody byŭ pabudavany ŭ 2002 h., kab pampavać kaśpijskuju naftu ŭ Eŭropu. Jaho prapusknaja mahčymaść — 9—14,5 młn t nafty za hod. Praduhledžvajecca pašyreńnie mahčymaści da 40—45 młn t. Eŭrasajuz pakul nia daŭ hrošaj dla praciahu rury da polskaha Płocku, jaki źviazany z Hdańskim partom. Ciapieraka taja truba nie vykarystoŭvajecca.
Biełarusy ž prapanavali łatyšam praciahnuć naftapravod supolnymi namahańniami z Brodaŭ da Mazyra, adkul idzie truba da Połacku i dalej da Ventśpiłsu.
Rusłan Raviaka
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary