Pakolki hety fest budzie amal jubilejny — 15-y pa liku, arhanizatary źbirajucca zvuzić konkursnuju prahramu i zrabić staŭku na zaprošanych haściej. U takoj jakaści ŭ Polšču pajeduć «IQ-48», «BN», «Zet», «Nejra Dziubiel», «Krama», «Ulis», «Pamidor/off», «Ściana», Kasia Kamockaja. Z polskaha boku vystupiać «Zero-85», «Triquetra», «Rima». Pad pytańniem udzieł letašnich pieramožcaŭ — hrupy «Indyha». Jak nam paviedamiŭ biełaruski kaardynatar «Basovišča-2004» Alaksandar Pamidoraŭ, u konkursie voźmuć udzieł 7 biełaruskich kamandaŭ i 2-3 hurty z Polščy (raniej u konkursie brali ŭdzieł da 20 kamandaŭ). Vyznačać vartych buduć naviedniki muzyčnaha internet-partału «Tuzin hitoŭ» (www.music. fromby.net), ale apošniaje słova zastaniecca za Pamidoravym i Słavam Koraniem. Svaje dyski (30 chvilin muzyki, fota, kantakt) možna dasyłać da 20 červienia na adras: A.Pamidoravu, kamputarny klub «O'K», vuł.Internacyjanalnaja, 9, 220050, Miensk ci prosta pakinuć dysk u hetym klubie na imia Pamidorava.
Adbor pa dyskach dazvalaje abjektyŭna acanić vartaść muzyčnaha materyjału, jaki prezentuje hurt. Adnak stupień syhranaści kamandy, jaje ŭmieńnie pavodzicca na scenie tak vyznačyć budzie ciažej. Usia nadzieja — na vializny dośvied i nieasprečnuju sumlennaść ekspertaŭ. Pamidoraŭ i Korań abiacajuć vyznačycca z kankursantami 1 lipienia. Potym u adnym ź mienskich klubaŭ projdzie pakazalny kancert budučych udzielnikaŭ.
Sioleta adna z turahiencyjaŭ budzie ładzić admysłovy «tur na Basovišča» i harantuje atrymańnie vizy biez čarhi.
SB
Kamientary