«11 vieraśnia pavodle Farenhiejta» («Fahrenheit 9/11»)
ZŠA, 2004, kalarovy, 110 chv.
Žanr: Dakumentalny palityčny pamflet
Adznaka: 6 (z 10)
Słavutaja karcina Majkła Mura ździvić biełaruskich hledačoŭ nia stolki svaimi mastackimi vartaściami i palityčnymi niečakankami, kolki Kanskaj uznaharodaj. Film značna słabiejšy za «Boŭlinh dla Kałumbiny», liryčny hieroj, jaki pryhadvaje svajo dziacinstva j abiraje zbroju, amal što adsutničaje. Majkł Mur ździekujecca j vykryvaje, ale vyhladaje heta nia tak vyrazna j cikava.
Ładnuju častku karciny zajmajuć nudnyja finansavyja pratakoły pra suviazi isteblišmentu ZŠA i Saŭdaŭskaj Arabii. Naftavyja spružyny vajny ŭ Iraku, badaj, buduć adkryćciom tolki dla amerykancaŭ. Da taho ž, Mur zahłyblajecca ŭ takija padrabiaznaści, jakija pasujuć doŭhim žurnalisckim vyšukam, a zusim nie kino, jakoje było, jość i budzie vidoviščam. Vykryćci hučać nia vielmi pierakanaŭča, ale emacyjna — i emocyi hetyja biednyja ŭ svaim mastackim vyrašeńni.
Džordž Buš-małodšy pa pravie nazvany najlepšym kamičnym aktoram: Mur z asałodaju smakuje kadry, dzie Buš — u adsutnaść daradcaŭ — vyhladaje niedaśviedčanym durniem, ale nazvać hetyja sceny vialikaj aŭtarskaj vynachodkaj nielha. Mur byccam by skraŭ hałoŭny antybušaŭski epizod z satyryčnaj pieradačy rasiejca Šandaroviča, dzie Jelcyn trymaje mchataŭskuju paŭzu.
Poŭnaściu hety artykuł možna pračytać u papiarovaj i pdf-versii "Našaj Nivy"
Andrej Rasinski
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj7
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary