Alaksandar Kulinkovič:

«Za hod ja nie napisaŭ nivodnaj pieśni pa-rasiejsku»

Kulinkovič nia maje kancertaŭ, padmanvaje cenzuru i Volskaha, a taksama čakaje novaha albomu. Pierad prezentacyjaj dysku «Tanki» lider «Nejra Dziubielu» sustrakaŭsia z fanatami na punkcie BMA pry klubie filafanistaŭ. Spravazdača z pytańniaŭ fenaŭ i adkazaŭ.

— Jak vy zreahavali na adklučeńnie śviatła padčas vašaha vystupleńnia na płoščy Banhałor 21 lipienia?

— Chto byŭ — toj čuŭ. Adnak usie hetyja zabarony nia zmohuć patapić ni «N.R.M.», ni «Dziubiel», ni «Drum extasy». Heta ludzi ŭ hadach i z suviaziami. Nie patonuć. Chranova, što z maładymi muzykantami pačniecca toje ž paśla zakryćcia «N.C.» dy ŭsich hetych zabaron. Ciapier pasłuchaješ dema niejkaj hrupy, a paśla idzieš i jak u chośpisie sprabuješ suciešyć. Bo jak muzykantam im žyć zastałosia maksymum hod: niama ni punktaŭ dla repetycyj, ni placovak dla vystupaŭ. Šancy na pośpiech jość tolki ŭ tych, chto maje suviazi. Ja zadarma mahu zrabić toje, čaho maładyja nia mohuć i za hrošy. Navat sprabavali adkryć «Hanhrenu pradakšn» dla padtrymki moładzi, ale ničoha nia vyjšła. U samich apošni kancert byŭ 21 lipienia. U žniŭni admianili piać kancertaŭ «Nejra Dziubielu» ŭ krainie. Nichto za nas nie biarecca — bajacca. Kožnaha ž jość za što zvolnić.

— A što z cenzuraj na kancertach? Ci prymušajuć pradstaŭlać papiarednie teksty piesień, rabić prasłuchoŭvańni?

— Pakul nie, adnak čaho nie byvaje… Ja mahu dać tekstoŭku, vydraŭšy vieršy z padručnika za šostuju klasu, a na prasłuchoŭvańni ni «Nejra Dziubiel», ni «Pałac», ni «N.R.M.» nichto nie zrazumieje. Takija prasłuchoŭvańni prynižajuć.

— Čamu ŭsie apošnija rok-kancerty adbyvajucca ŭ «Reaktary»?

— A dzie ž jašče? «N.C.» začynili ŭviesnu, a ŭ k/z «Miensk» nichto nia choča leźci. Nie ŭ arendnaj płacie pryčyna, a ŭ niežadańni hrać kancert u prysutnaści piacidziesiaci milicyjantaŭ u zali, jakija ŭsadžvajuć narod. Adyhraŭ pieśniu, a tabie apladzirujuć siedziačy. Lepš by ŭžo pamidoram zapuścili — naturalnaja reakcyja!

Pra «Tanki»

— Kali źjavicca albom?

— Spadziajusia, na prezentacyi. Adnak tut musiać supaści dźvie rečy: treba paśpieć addrukavać nakład i ŭrehulavać adnosiny z «West-records» — vydaŭcami kampaktu. Naahuł, z drukavańniem dyskaŭ ciapier składana — zamiest zvyčajnych pary dzion kružełki štampujucca tydniami. Tak va ŭsich: vo, Lavon niadaŭna kazaŭ, što sam nijak nia moža dačakacca svajho dysku. A z «Vestam» sytuacyja nastupnaja: na kožnym albomie ŭ nas jość kaver, sioleta heta budzie pieśnia na vierš Arkadzia Kulašova. Adnak kab vydać kružełku na aficyjnym łejble, treba ŭrehulavać aŭtarskija pravy sa svajakami. Pakul jany nie śpiašajucca davać svoj dazvoł: «Niejki žart, a nia pieśnia!» Kali ničoha nia vyjdzie — budziem vydavacca padpolna: «West-records» biez dazvołu rodnych Kulašova nia budzie vypuskać dysk.

— Papiarednija albomy vy nazyvali cełaj frazaj, a hety — tolki adnym słovam. Fantazii brakuje?

Poŭnaściu hety artykuł možna pračytać u papiarovaj i pdf-versii "Našaj Nivy"

Zapisaŭ Siarhiej Trafiłaŭ

• 0
• 0
• 0
• 0
• 0
• 0
• 0
• 0