«Šachmaty», №3, 2004.
Ciaham hodu ŭ Miensku na biełaruskaj i rasiejskaj movach vydajecca časopis «Šachmaty». Pačynałasia ŭsio z parytetu dźviuch moŭ. U pieršych troch numarach 2004 h. biełaruskuju skarystoŭvajuć jak tuju techničku — dla afarmleńnia vypusknych źviestak… Materyjały ž drukujucca ŭściaž pa-rasiejsku. Apošnim časam heta tłumačycca nieabchodnaściu raspaŭsiudzić nakład časopisu za miažoj, bo ŭ Biełarusi jaho nibyta mała chto kuplaje.
Źmiest niaroŭny. Cikavyja repartažy šachmatystaŭ z zamiežnych spabornictvaŭ — i pobač razłohija materyjały, spampavanyja z šachmatnych sajtaŭ. Što da redaktarskaha stylu, jaho lepš čym što pieradaje vyraz «Topałov rvał vsiech pod nol».
Drukujecca bahata vostrych partyj z kamentarami — vyłučajucca opusy čempijonki Biełarusi siarod dziaŭčat Aleny Klimiec, viciebskaha hrosmajstra Andreja Kavalova. Tradycyjnymi zastalisia histaryčnyja narysy Abrama Rojzmana dy zajmalnyja refleksii mienskaha trenera Ryhora Chajucina pra «pavodziny» šachmatnych fihur.
Nakład časopisu (350 asobnikaŭ, a letaś byŭ ža 700) i šurpataja stylistyka nabližajuć jaho da samvydatu.
Poŭnaściu hety artykuł možna pračytać u papiarovaj i pdf-versii "Našaj Nivy"
VR
Kamientary