Usie pryzy «Bardaŭskaj vosieni» dastalisia dziaŭčatam
11-y bardaŭski festyval u Bielsku-Padlaskim 22—24 kastryčnika staŭ demanstracyjaj emansypacyi biełaruskaj tusoŭki. Mała taho, što try pieršyja miescy zaniali pradstaŭnicy pryhažejšaj pałovy čałaviectva, dyk jašče i ahulny ich viek składaje ŭsiaho tolki 61 hod. Heta pry tym, što, skažam, 51-hadovy bard z Zaleśsia Siarhiej Vieramiejčyk i piesień napisaŭ bolš za ŭsiu dziavočuju trojcu, uziatuju razam, i hitaraj vykštałcona-hišpanskaj vałodaje tak, što dziaŭčatam jašče raści i raści… Mo žury vyrašyła pieraprafilavać tradycyjny fest bardaŭ u konkurs pryhažości? Tak by dumaŭ i ja, kali b nia bačyŭ taho, što adbyłosia nasamreč.
Hran-pry-2004 studentka BDPU Taciana Biełanohaja «ŭziała» enerhietykaj. Na scenie Bielsku Taciana pakazała redkuju dla biełarusaŭ zdolnaść vykładvacca da kanca. Hetkaja kancentracyja pačućciaŭ pry niebanalnych tekstach zakanamierna ŭvasobiłasia ŭ pieramohu.
Druhoje miesca i mahčymaść zapisać aŭdyjoalbom na radyjo «Biełastok» dastalisia taksama studentcy BDPU Ženi Sobal. Hetaja rekordna vysokaja (182 sm) dziaŭčyna ź dziacinstva śpiavała čužyja pieśni, atrymlivała niejkija pryzy dy pryznańnie ŭ tusoŭkach, a tut napisała razam z bratam bluz, praśpiavała i… što nazyvajecca, «u jabłyk» — samaja pryhožaja pieśnia festyvalu.
Treciaja pryziorka — Volha Kazancava ź Viciebsku — dobra viedaje ekskluziŭnaść i moc svajho vakału. Jakaja spakusa dla maładoj dziaŭčyny zamiest kantaktu z zalaj zalubavacca svaim tembram! Voś i treciaje miesca pry ŭsich dadzienych dla pieršaha.
Mužčyny akazalisia nižej pieravažna za košt ścipłaści sceničnaj padačy — i Siarhiej Vieramiejčyk, i Aleś Narkievič, i Jaŭhien Vałošyn. I kali pieršaha lepš słuchać kamerna, a druhomu krychu zaminaje tembr dy zadoŭhaja daroha śpiavanych u Bielsku piesień da słuchača (voś kali b hadoŭ na 6—7 raniej!), to apošni ź niejkich pryčyn jak by vybudavaŭ vakoł siabie abarončuju abałonku, śpiavaŭ, jak z rezystaram na vychadzie.
Poŭnaściu hety artykuł možna pračytać u papiarovaj i pdf-versii "Našaj Nivy"
Andrej Mielnikaŭ,
Bielsk—Homiel
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary