Słužba biaśpieki Ŭkrainy (skaročana SBU), spadkajemca kolišniaha KDB, naličvaje 38 000 supracoŭnikaŭ i nie źjaŭlajecca manalitnaj — tam jość prychilniki jak prarasiejskaha, hetak i prazachodniaha nakirunku. Uletku 2004 h. jaje kiraŭnik Leanid Dziarkač byŭ adpraŭleny ŭ adstaŭku paśla skandału ŭ suviazi z prodažam radarnych systemaŭ chusejnaŭskamu Iraku. Prezydent Kučma pryznačyŭ kiraŭnikom SBU hienerała Ihara Śmiaška, prazachodnie aryjentavanaha supracoŭnika vajskovaj kontravyviedki. Jahonaje pryznačeńnie było acenienaje jak imknieńnie aficyjnaha Kijeva padsaładzić adnosiny z Zachadam paśla «radarnaha skandału».
Mnohija hienerały SBU daŭno nienavidzieli premjera Janukoviča i jahony daniecki kłan, ščylna źviazany z byłymi arhanizavanymi złačynnymi hrupoŭkami. Adnak za tydzień pierad vybarami asabistaja sustreča ź Janukovičam vyklikała ŭ načalnika SBU Ihara Śmiaška takoje rasčaravańnie, što jon padaŭ u adstaŭku i prysiahnuŭ, što nikoli nia budzie pracavać z premjeram. Kučma nie pryniaŭ adstaŭki. Niezdavolenaść siłavikoŭ Janukovičam uzmacniłasia, kali stała jasna, što premjer hatovy ŭžyć maštabnyja machinacyi, aby pieramahčy. Kiraŭnictva SBU razhladała pytańnie ab kalektyŭnaj adstaŭcy, ale vyrašyła zmahacca za zachavańnie zakonnaści, zastajučysia na svaich pasadach.
Unačy 21 listapada hrupa hienerałaŭ sabrałasia ŭ kabinecie kiraŭnika SBU — jany ŭžo viedali, što budzie abvieščany falš pra pieramohu premjera Janukoviča. Siońnia supracoŭniki SBU adznačajuć, što dziejańni kiraŭnictva SBU byli viadomyja druhomu boku — chacia b z pryčyny isnavańnia ŭ strukturach rasiejskich ahientaŭ.
23 listapada na zahad Janukoviča ŭkrainskaja prakuratura i MUS vystupili z zajavaj pra asudžeńnie apazycyi i hatoŭnaść «pakłaści kaniec luboj biezzakonnaści». Pad zajavaj pastavili i proźvišča kiraŭnika SBU. Hienerał Śmiaško byŭ hetym raźjušany, i za hadzinu źjaviłasia zajava SBU, dzie dezavujavaŭsia podpis Śmiaška pad supolnaj zajavaj siłavikoŭ i zajaŭlałasia, što hramadzianie majuć prava ažyćciaŭlać palityčnyja svabody, a palityčnyja sprečki pavinny vyrašacca tolki mirnym šlacham. Hetyja słovy hienerała imhnienna byli pieradadzienyja viadučymi ahienctvami śvietu. Heta byŭ syhnał, što ŭ siłavych strukturach Ukrainy, jakich ličyli lajalnymi da ŭładaŭ, niama adzinstva.
Poŭny varyjant čytajcie ŭ papiarovaj i pdf-versii hazety "Naša Niva"
AP
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary