Pavał Kržyvahłavy byŭ u pasolstvie «haspadarom». Pa-česku heta značyć ofis-menedžeram. Termin jahonaha pierabyvańnia ŭ Miensku skončyŭsia paŭhodu tamu, ale jahonuju misiju praciahnuli jašče na hod.U minułuju sieradu českaha dyplamata zatrymali ŭ adnoj z kaviarniaŭ, niby za raśpićciom haračycielnych napojaŭ ź mienskim školnikam. U piatnicu BT, a za im i inšyja kanały pakazali siužet, u jakim pan Kržyvahłavy pje piva i całujecca z zusim maładymi ludźmi. Dyplamata abvieścili personaj non hrata i vydvaryli z krainy. Jon vyjechaŭ praź Bieraście na ŭłasnaj mašynie ŭ nakirunku Čechii.
Usie try českija ahulnadziaržaŭnyja kanały — hramadzkaja Českaja televizija i pryvatnyja «Nova» dy «Prima» — adrazu zacikavilisia repartažam i prapanavali BT nabyć jaho. Atrymała repartaž žaŭtavataja «Nova» — i była rasčaravanaja: schavanaja kamera, adkazy nieviadomych asobaŭ na dopycie byli błytanyja j niekankretnyja.
Aburyła čechaŭ toje, što BT nie zakryvaje tvaraŭ niepaŭnaletnich chłopcaŭ, jakich samo ž nazyvaje «achviarami dyplamata-raspuśnika». U Čechii hetak nia robicca.
Českaja presa padkreślivaje, što ŭ cyvilizavanym śviecie padobnyja kanflikty vyrašajucca pa dyplamatyčnych kanałach, biez prapahandysckich repartažaŭ u televizii. Paskudniki traplajucca va ŭsich krainach, ich nidzie nia cierpiać. Spravu Kržyvahłavaha budzie raśśledavać i českaja palicyja.
U čechaŭ jość peŭnaja alerhija na padobnuju teleprapahandu. U 1970 —1980-ja hady za kamunistami «filmy» takoha kštałtu kruciła televizija — kab pakazać u najhoršym śviatle apanentaŭ režymu.
Tamu, akramia niezdarovaj cikavaści da pikantnych padrabiaznaściaŭ u adnych, abureńnia ŭ druhich i śmiechu ŭ trecich, «kino» dało padstavu českamu MZS śćviardžać, što «infarmacyja, jakuju biełaruskaje zamiežnapalityčnaje viedamstva pryvodzić jak dovad departacyi, nia vartaja davieru».
Poŭny varyjant čytajcie ŭ papiarovaj i pdf-versii hazety "Naša Niva"
Praha
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary