Dla adnych niabožčyk Vajtyła — «karol, jakoha zajmieła Polšča» («Hazeta Vyborča»), «pieršy suśvietny lider» («Hardyjan»), «sapraŭdny hihant» («Fiharo»). Dla levych ža jon — «kanservatyŭny revalucyjaner» («Liberaśjon»), «mistyk i maryjanetka CRU» («Junhie Velt»), «hienijalny performer» («Tahiescajtunh»). Levuju presu ahladaje Lolik Uškin.
Francuskaja levaliberalnaja «Liberaśjon» piša, što vyniki dziejnaści pantyfika vielmi supiarečlivyja. Pryznajučy jaho zasłuhi ŭ baraćbie z kamunizmam, u dyjalohu z žydami, hazeta piša, što pantyfik ad pačatku zastavaŭsia ultrareakcyjnym katalikom. «U vobłaści marali seksu abo siamji polski papa był ultrakanservataram, što adpaviadaje pohladam kaściołu ŭ jahonaj rodnaj krainie. Žorstkaja pazycyja adnosna kantracepcyjnych srodkaŭ i prezervatyvaŭ, navat kali viałosia pra baraćbu ź ŚNIDam, jaho rehularnyja vypady na adras homaseksualistaŭ pastavili carkvu na miažu procistajańnia z kaštoŭnaściami, jakija daŭno daminujuć u zachodnim hramadztvie. Papa nieadnarazova asudžaŭ praktyku abortaŭ i eŭtanazii — «sapraŭdnaha zabojstva ludziej».
Niamieckaja «Tahiescajtunh» ličyć, što śmierć Jana Paŭła II była «padrychtavanym performansam». Aŭtarka Izolda Šrym stavić pytańnie: «Čamu stolki ludziej, navat niekatalikoŭ, raptam zacikavilisia stanam zdaroŭja pantyfika? Čamu raniej u padobnych sytuacyjach Vatykan admaŭlaŭsia davać niejkuju infarmacyju?»
Poŭny varyjant artykułu čytajcie ŭ papiarovaj i pdf-versii hazety "Naša Niva"
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary