У мэтах выканання дырэктывы прэзідэнта № 3 дэпутаты прапануюць замяніць свяцільні ў Палаце прадстаўнікоў на энергазберагальныя
«Такія рэчы, нягледзячы на тое што гэта кропля ў моры, неабходна зрабіць у нашым будынку пачынаючы з Авальнай залы і заканчваючы ўсімі працоўнымі кабінетамі», — заявіў старшыня пастаяннай камісіі па міжнародных справах і сувязях з СНД Вадзім Папоў 10 ліпеня на пасяджэнні камісіі.
Паводле яго слоў, пры выкананні дырэктывы галоўнае пытанне заключаецца ў тым, каб «вывесці паказчыкі эканоміі ў лік галоўных паказчыкаў працы ў народна‑гаспадарчым комплексе». В.Папоў зазначыў, што пакуль у Беларусі ёсць адзін абагульнены паказчык — гэта энергазберажэнне, а такія паказчыкі, як матэрыялаёмістасць, ёмістасць ВУП, — «знаходзяцца ў ценю». «Задача дэпутацкага корпуса ў выбарчых акругах — сачыць, як будуць распрацоўвацца дакументы для выканання дырэктывы і як меры дырэктывы будуць рэалізоўвацца на практыцы», — сказаў В.Попоў.
Парламентарый зазначыў, што адной з мер па выкананні палажэнняў дырэктывы з’яўляецца пераход на мясцовыя віды паліва. Пры гэтым ён падкрэсліў: «Дэпутаты павінны быць падрыхтаваныя да той крытыкі, якая ўжо з’яўляецца на старонках прэсы, асабліва апазіцыйнай, аб тым, што мясцовыя віды паліва не будуць больш таннымі, чым пакупныя». Мясцовыя віды паліва набываюцца за «нашы сродкі, якія кожны працоўны калектыў можа знайсці», сказаў дэпутат. Калі б выкарыстанне дроў, пілавіння і торфу не было выгадным, дык, напрыклад, Швецыя не пайшла б па такім шляху, а набывала нафту, газ і іншыя крыніцы энергіі, упэўнены ён.
«Не павінна складвацца ўражанне, што прэзідэнт і ўсе мы будзем заклікаць народ да вяртання ў пячорны век, да лучыны, — сказаў В.Папоў. — Гэта новыя тэхналогіі, якія дазволяць адносную эканомію на прадукцыю, што вырабляецца».
В.Папоў звярнуў ўвагу на тую акалічнасць, што прыблізна 50% ВУП ідзе на экспарт. «Энергазберажэнне — гэта пытанне канкурэнтаздольнасці, — падкрэсліў парламентарый. — Мы павінны вырабляць якасную прадукцю, якую мы маглі б рэалізаваць без стратаў для прадпрыемстваў».
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты10
Каментары