Янукевіч: Да 25 Сакавіка трэба вырашыць, як абіраць адзінага кандыдата ў прэзідэнта
Старшыня Партыі БНФ Аляксей Янукевіч заявіў, што Партыя БНФ ужо пачала перамовы на гэты конт сумесна з рухам «За свабоду» Аляксандра Мілінкевіча і грамадзянскай кампаніяй «Гавары праўду» Ўладзімера Някляева.
«Сойм нашай партыі даручыў кіраўніцтву і звярнуўся да калегаў па дэмакратычным лагеры вызначыцца з магчымай працэдурай абрання адзінага кандыдата да 25 сакавіка гэтага года.
Гэта робіцца таму, што папярэднія выбарчыя кампаніі паказалі — абсалютна недастаткова мець прозвішча адзінага кандыдата на момант афіцыйнага абвяшчэння выбараў кампаніі альбо за два-тры месяцы да іх пачатку», — адзначыў Аляксей Янукевіч.
Лідар Партыі БНФ таксама сказаў, што цягам студзеня кола ўдзельнікаў перамоваў «істотна пашырыцца».
«Люблю, калі беларусы беларусяцца»: у сацсетках жартуюць з надвор’я і абмяркоўваюць праблемы3
Каментары