Беларусь зноў апынулася ў спісе краін, дзе існуюць сур’ёзныя праблемы з палітычнымі правамі і грамадзянскімі свабодамі. Такія звесткі новага даклада праваабарончай арганізацыі Freedom House (ЗША).
Беларусь атрымала ацэнку 7 (найгоршая з магчымых) па палітычных правах і 6 — па грамадзянскіх свабодах.
З 47 краін, якія ў дакладзе названы несвабоднымі, мінімальна магчымыя ацэнкі атрымалі Саудаўская Аравія, Паўночная Карэя, Сірыя, Самалі, Судан, Экватарыяльная Гвінея, Эрытрэя, Туркменістан і Узбекістан. На адзін радок вышэй размясціліся Беларусь, Кітай, Куба, Лаос, Чад і Паўднёвая Асеція.
Сярод найбліжэйшых суседзяў Беларусі несвабоднай краінай названа Расія, часткова свабоднай — Украіна і свабоднымі — Латвія, Літва і Польшча.
У сваім дакладзе Freedom House заклікае ЗША і іншыя дэмакратычныя краіны быць лідарамі ў барацьбе за свабоду. «Перамога свабоды адбываецца звычайна пры актыўнай падтрымцы дэмакратычных краін, такіх як Злучаныя Штаты і еўрапейскія дэмакратыі. А там, дзе яны адмовіліся ад барацьбы, вынік, як правіла, — гэта паражэнне свабоды», — заявіў кіраўнік Freedom House Дэвід Крамер.
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі21
Каментары