Biełaruś znoŭ apynułasia ŭ śpisie krain, dzie isnujuć surjoznyja prablemy z palityčnymi pravami i hramadzianskimi svabodami. Takija źviestki novaha dakłada pravaabarončaj arhanizacyi Freedom House (ZŠA).
Biełaruś atrymała acenku 7 (najhoršaja z mahčymych) pa palityčnych pravach i 6 — pa hramadzianskich svabodach.
Z 47 krain, jakija ŭ dakładzie nazvany niesvabodnymi, minimalna mahčymyja acenki atrymali Saudaŭskaja Aravija, Paŭnočnaja Kareja, Siryja, Samali, Sudan, Ekvataryjalnaja Hvinieja, Erytreja, Turkmienistan i Uźbiekistan. Na adzin radok vyšej raźmiaścilisia Biełaruś, Kitaj, Kuba, Łaos, Čad i Paŭdniovaja Asiecija.
Siarod najbližejšych susiedziaŭ Biełarusi niesvabodnaj krainaj nazvana Rasija, častkova svabodnaj — Ukraina i svabodnymi — Łatvija, Litva i Polšča.
U svaim dakładzie Freedom House zaklikaje ZŠA i inšyja demakratyčnyja krainy być lidarami ŭ baraćbie za svabodu. «Pieramoha svabody adbyvajecca zvyčajna pry aktyŭnaj padtrymcy demakratyčnych krain, takich jak Złučanyja Štaty i jeŭrapiejskija demakratyi. A tam, dzie jany admovilisia ad baraćby, vynik, jak praviła, — heta paražeńnie svabody», — zajaviŭ kiraŭnik Freedom House Devid Kramier.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary