Сёння раніцай на КВУП «Брэсцкі смеццеперапрацоўчы завод» адбылося надзвычайнае здарэнне, паведамляе "Вечерний Брест".
У 10.46 тут прагучаў выбух у цэху прыёмкі і сартавання смецця.Па інфармацыі кіраўніка змены станцыі хуткай медыцынскай дапамогі, пацярпелі два чалавекі, якія дастаўлены ў Брэсцкую гарадскую бальніцу хуткай медыцынскай дапамогі.
Атрыманыя траўмы, па меркаванні лекараў, жыццю пацярпелых не пагражаюць.
На месцы здарэння працуе следча-аператыўная група, у тым ліку сапёры. Абставіны здарэння высвятляюцца.
На гэты момант вядома, што выбух адбыўся ў ангары, дзе выгружаюць смецце для яго наступнай падачы на сартавальную стужку, піша БелТА.
Спрацавала нешта ў выгружаным смецці.На месцы здарэння працуе аператыўная група, эксперты. Вядома таксама пра двух пацярпелых - гэта працаўнікі прадпрыемства, яны атрымалі раненні ніжніх канечнасцяў.
Каментары