Сцэнар фільму «Крапавы барэт» атрымаў трэцюю прэмію на конкурсе «Беларусьфільму».
На конкурсе сцэнароў, праведзеным «Беларусьфільмам», трэцяе месца заняў сцэнар «Крапавы барэт». «Гэта прыгодніцкі фільм, баявік», – кажа аўтар сцэнару Аляксандар Дэбалюк.
У 2003 годзе А. Дэбалюк як кіраўнік студыі «Навігатар» быў прадусарам карціны Андрэя Кудзіненкі «Акупацыя. Містэрыі».
– Чаму вы склалі сцэнар менавіта пра спэцназаўцаў?
– Ёсьць фільмы пра лекараў, лётчыкаў, дык чаму не пра спэцназаўцаў? – адказаў А. Дэбалюк.
Карціна пакуль не зацьверджаная да вытворчасьці. Ідзе дапрацоўка сцэнару.
Першую прэмію на конкурсе сцэнароў атрымаў вайсковая драма «Дняпроўскі рубеж» Аляксея Дударава, другую – пасьляваенная драма «Ліда» Лізы Трусевіч, а трэцяе месца з «Крапавым барэтам» падзялілі мэлядрама пра старых «За каханьнем каханьне» і прыгоды «Неўміручасьць каштуе нам жыцьця».
Дарэчы, Аляксандар Дэбалюк скончыў Менскую Сувораўскую вучэльню разам з Паўлічэнкам, а пасьля Вышэйшую вайскова-палітычную вучэльню.
-
Маладая актрыса Коласаўскага тэатра, якая зачапіла людзей выказваннем пра беларускую мову, звальняецца
-
Па-беларуску выйдзе «Беларускі снайпер» пасла Шарэпкі, а Квяткоўскі напісаў працяг «Фрашак»
-
Мужчыны плачуць! Акцёр і музыка «Разбітага сэрца пацана» Павел Гарадніцкі зрабіў спектакль на вершы Мікіты Найдзёнава
Каментары