Эўрапейская камісія, асноўны фундатар ЭГУ, скароціць фінансаваньне на 50%, пачынаючы з наступнага году.
Укладаньне грошай у праекты, зьвязаныя зь Беларусьсю, рэзка зьнізілася, прыярытэты цяпер ляжаць у іншых рэгіёнах, заявіў рэктар Анатоль Міхайлаў.
Экспэрт Эўрапейскай камісіі Ўэбэр, даклад якога абмяркоўвалі на паседжаньні сэнату Эўрапейскага гуманітарнага ўнівэрсытэту, прапануе далучыць ЭГУ да аднаго з літоўскіх ўнівэрсытэтаў альбо перайсьці на дыстанцыйнае навучаньне.
Разглядаецца таксама варыянт скарачэньня колькасьці студэнтаў і навучальных праграмаў — тады ЭГУ будзе працаваць як каледж.Іншы варыянт: разьвіцьцё расейкамоўнага навучаньня, каб прыцягнуць студэнтаў з Расеі.
«Адукацыя на рускай мове ў рэгіёне — такі праект магчымы, аднак гэта выкліча нэгатыўную рэакцыю ў беларускамоўнай публікі ў Беларусі і ў ЗША», — заявіў на такую прапанову Міхайлаў.
Выкладчыца ЭГУ «Ёсьць канфліктуючыя прапановы»
Зьвесткі пра будучае скарачэньне бюджэту ЭГУ і магчымае рэфармаваньне ўнівэрсытэту пракамэнтавала выкладчыца, сябар сэнату ЭГУ, якая папрасіла не называць яе прозьвішча.
ЭГУ ёсьць такім праектам, які доўгі час ужо фінансуецца і цяпер пераглядаюцца прынцыпы і ўмовы гэтага фінансаваньня.— Як на мой погляд, гэта дастаткова чаканы крок, які зьвязаны з агульнай сытуацыяй ў Эўропе.
— Ці магчымы як варыянт злучэньне ці нейкая форма каапэрацыі з літоўскім ўнівэрсытэтам?
— Да нас прыяжджаў экспэрт эўрапейскай камісіі, які праводзіў ацэнку таго, што робіцца ва ўнівэрсытэце. І так, у якасьці ягонай рэкамэндацыі гучала тое, што магчыма нейкая інтэграцыя ці больш сур’ёзныя сувязі з літоўскімі інстытуцыямі. Але ня толькі літоўскімі, а і з усходнеэўрапейскімі. Пры гэтым нельга казаць, што гэта толькі адзін з кірункаў разьвіцьця. Гэта адна з прапаноў звонку.
— Яшчэ нібыта адным з варыянтаў ёсьць скарачэньне праграмаў і ператварэньне ЭГУ з унівэрсытэту ў каледж. Ці гэты варыянт разглядаецца?
Бо няма сэнсу рабіць з нас каледж.— Не, гэта не зусім так. ЭГУ будзе праходзіць літоўскую атэстацыю, яна заплянаваная, я спадзяюся, мы пройдзем яе пасьпяхова і застанемся ўнівэрсытэтам, як мы і ёсьць.
— А як вы пракамэнтуеце зьвесткі пра прапанову пераходзіць на расейскую мову навучаньня, каб мець больш студэнтаў з Расеі?
— Вы ведаеце, што ў ЭГУ дастаткова складаная сытуацыя з моўнай палітыкай. Большасьць ў нас беларускамоўных студэнтаў, але ў нас павялічваецца колькасьць студэнтаў з іншых краін. Яны едуць вучыцца альбо
Са свайго досьведу магу сказаць, што кожны раз трэба вырашаць, на якой мове ты будзеш выкладаць. Сапраўды ёсьць прапанова больш інтэнсіўна разьвіваць усходні накірунак, больш працаваць з адукацыйнымі рынкамі Расеі і Украіны. І ў такім выпадку гаворка сапраўды найперш пра расейскую мову.Але гэта як адна з прапановаў. Як на маю думку, ў гэтым няма нічога дрэннага, каб студэнты з Беларусі навучаліся побач са студэнтамі з усходняга, заходняга кірункаў. У такіх групах цікава працаваць, як мне падаецца.
На наступны год, як мне вядома, у нас рыхтуюцца трохі іншыя праграмы, на якія будзем набіраць. Па мастацтве, па гісторыі. Спадзяемся, што зьявіцца новая праграма па паліталёгіі, на ангельскай мове навучаньня, якая падрыхтаваная ў каапэрацыі з унівэрсытэтам Вітаўта Вялікага. Там будуць навучацца і беларускія студэнты з нашага боку і літоўскія студэнты. Гэта на ўзроўні праграмаў. А на ўзроўні стратэгічнага разьвіцьця — цяжка сказаць, бо зараз мы перажываем сапраўды цяжкі пэрыяд дыскусій. І згоды ў нашым акадэмічным коле пакуль няма.
Сапраўды, ёсьць і канфліктуючыя прапановы. Нехта кажа, што трэба скарачаць праграмы, скарачаць студэнтаў, нехта кажа, што наадварот, трэба скарачаць адміністрацыю. Ідуць дыскусіі на гэты конт».
Паводле выкладчыцы, у ЭГУ на розных формах навучаньня цяпер каля 3 тысяч студэнтаў, а калектыў выкладчыкаў складае каля 200 чалавек.
Каментары