Распрацавана схема арганізацыі перавозак пры закрыцці аўтавакзала «Маскоўскі»
«Мінсктранс» распрацаваў схему арганізацыі перавозак пры змене функцыянальнага прызначэння аўтавакзала «Маскоўскі».Пра гэта паведаміў сёння журналістам начальнік упраўлення арганізацыі перавозак дзяржаўнага прадпрыемства «Мінсктранс» Сяргей Ясінскі.
Аўтавакзал «Маскоўскі» будаваўся як міжгародні вакзал, але зараз ён згубіў сваё функцыянальнае прызначэнне. Адсюль адпраўляецца толькі 20% міжгародніх і міжнародных рэйсаў, у асноўным гэта адпраўны пункт прыгарадных аўтобусаў. Змянілася маршрутная сетка горада, транспартныя патокі, што прывяло да падзення продажаў квіткоў, а выдаткі на ўтрыманне аб’екта высокія.
У выпадку закрыцця аўтавакзала аўтобусы Лагойскага і Маскоўскага напрамкаў без змены колькаснага складу будуць адпраўляцца ад дыспетчарскай станцыі «Каліноўскага», Папярнянскага напрамку — ад дыспетчарскай станцыі «Карастаянавай». Іх падрыхтуюць пад новыя функцыі па вопыту аўтастанцыі «Заводская» як сумешчаных прыгарадных і гарадскіх станцый.
Міжгароднія і міжнародныя маршруты перанясуць на аўтавакзал «Усходні» праз аўтавакзал «Цэнтральны»,паколькі на аўтавакзале «Цэнтральны» не прадугледжана стаянне аўтобусаў.
Канчатковым пунктам гарадскіх аўтобусных маршрутаў замест аўтавакзала «Маскоўскі» стане дыспетчарская станцыя «Славінскага».У выпадку ліквідацыі разваротнага кальца для тралейбусных маршрутаў адновяць тралейбусную лінію па вул. Валгаградскай і праспекце Незалежнасці. Акрамя таго, мяркуецца пры неабходнасці арганізаваць работу маршрутаў, якія звяжуць дыспетчарскія станцыі «Каліноўскага» і «Карастаянавай».
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары