Памёр стваральнік «Вялікага слоўніка беларускай мовы» Хведар Піскуноў
Хведару Піскунову ішоў64-ы год. Ягонае пахаванне адбудзецца ў панядзелак на радзіме — у вёсцы Раманавічы на Гомельшчыне.
Адвітанне ў Менску адбудзецца ў нядзелю, 7 красавіка, у шпіталі № 9 (вуліца Сямашкі, 8) у жалобнай зале.
Даследчык беларускай мовы Хведар Піскуноў не меў філалагічнай адукацыі. Ён скончыў хімічны факультэт БДУ. Шмат гадоў Піскуноў быў праграмістам.
Вынікам ягонай працы стала праграма праверкі беларускай арфаграфіі «Літара» (2004).Таксама ён удзельнічаў у стварэнні электроннага слоўніка беларускай мовы «Парадыгма» (2009).
Астатнім ягоным значным творам стаўся «Вялікі слоўнік беларускай мовы». У ім амаль 223 тысячы лексічных адзінак.Слоўнік створаны на грунце электроннай базы шляхам апрацоўкі вялізнага тэкставага масіва — больш за 70 мільёнаў словаўжыванняў з 2300 літаратурных крыніц.
-
Максім Знак апублікаваў свае музычныя запісы на стрымінгах
-
Калі ў 1979‑м «Каласы пад сярпом тваім» выйшлі па-руску накладам 100 тысяч асобнікаў, імі гандлявалі мінскія таксісты. Настолькі папулярны быў Караткевіч
-
Прыцкераўская прэмія 2026 года дасталася чылійцу, які стварае міражы. Яго эстэтыка крохкасці перамагла манументальны пафас
Каментары