Кіраўскі абласны суд (Расія) адпусціў Аляксея Навальнага і Пятра Афіцэрава пад падпіску аб нявыездзе да ўступлення ў сілу прысуду па справе «Кіраўлеса».
Такім чынам суд задаволіў скаргу пракуратуры на рашэнне Ленінскага раённага суда Кірава аб узяцці асуджаных пад варту адразу пасля вынясення прысуду. Абвінавачванне матывавала сваю апеляцыю тым, што Навальны зарэгістраваны кандыдатам на выбарах мэра Масквы, «у сувязі з чым абраная ў дачыненні да яго мера стрымання перашкаджае забеспячэнню роўнага доступу кандыдатаў да працы з выбаршчыкамі».
Нагадаем, учора Аляксей Навальны быў асуджаны да пяці гадоў зняволення, Пётр Афіцэраў — да чатырох.
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве4
Каментары