Прадаецца рукапіс з вершамі ХІХ ст. невядомага аўтара з-пад Баранавічаў
Сшытак з вершамі, напісанымі на гістарычнай Наваградчыне, прадаецца на польскім аўкцыёне allegro.pl.
Рукапіс мае 138 старонак, з якіх 122 спісаныя. Усе старонкі пазначаныя пячаткаю ўверсе ў правым баку.
Невядомы аўтар запісваў вершы ў сшытак пад назваю «Сякія такія творы». Першы запіс зроблены 29 жніўня 1860 года(яшчэ да пачатку паўстаньня Каліноўскага), а апошні — 14 сакавіка 1884 года.
Вершы пісаліся ў ваколіцах Баранавічаў — у мястэчках Новая Мыш і Гарадзішча.Як сцвярджае прадавец, усе вершы напісаныя польскай мовай, акрамя трох апошніх, якія ён пазначае, як расейскія. Але мо яны беларускія?
Кошт сшытка 790 злотых (прыкладна 250 даляраў ЗША).
Нагадаем, што ў ваколіцах Баранавічах на некалькі дзесяцігоддзяў раней жылі і дзейнічалі філаматы. Тут знаходзіцца радзіма Яна Чачота, а ў Крошыне жыў Паўлюк Багрым (1818–1891), аўтар верша «Зайграй, зайграй, хлопча малы».
-
Бардэль у Буэнас-Айрэсе, падпал сінагогі, махлярства з золатам. Як і за што ў Брытанскай імперыі судзілі ўраджэнцаў Беларусі
-
Цімох Акудовіч запусціў свой падкаст. Першы выпуск — пра малы ледавіковы перыяд і тое, як пахаладанне змяніла ход гісторыі
-
У прадмесці Рыма знайшлі рэшткі збудаванняў больш чым двухтысячнай даўніны
Каментары