Камандуючы Паветрана-дэсантнымі войскамі Расіі Уладзімір Шаманаў заявіў, што дэсантнікі купаюцца ў фантанах з-за тэлевізіёншчыкаў. Па словах генерала, дэсантнікі спрабуюць прыцягнуць увагу журналістаў, жадаючы трапіць у тэлеэфір. Пра гэта ён заявіў 1 жніўня.
«Як паказвае практыка, пакуль няма тэлевізійных камер, асабліва і няма ахвотных у фантан залезці. Як толькі з'яўляюцца тэлевізійныя камеры, у дэсантніка з'яўляюцца перспектывы, што яго пакажуць па тэлебачанні», — сказаў генерал. Паводле яго слоў, купанне дэсантнікаў стала традыцыяй з падачы журналістаў.
Шаманаў пры гэтым адзначыў, што сам ніколі не купаўся ў фантанах. «Я ніколі не буду падтрымліваць, калі не зусім цвярозыя людзі спрабуюць нейкімі непрыгожымі справамі займацца», - сказаў ён.
У Расіі і Беларусі заўтра, 2 жніўня, адзначаецца Дзень дэсантніка.
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары