Інга Хрушчова: Я сышла з БТ па маральных меркаваннях
Былая вядучая «Панарамы» занялася відэаўрокамі для падарожнікаў у Еўропу.
Інга Хрушчова
«Вы даўно марыце адправіцца ў Еўропу на аўто, але не ведаеце з чаго пачаць?» Бясплатны відэакурс «Дарога ў Еўропу» прапануе ў інтэрнэце… Інга Хрушчова. Тая самая, якая ў канцы 1990-х была адным з сімвалаў прапаганды на БТ.
З 1995 да 2001 яна была вядучай навінаў, працавала і ў прэзідэнцкім пуле. З цягам часу Хрушчова ўзначаліла аддзел палітычных аглядальнікаў Агенцтва тэлевізійных навінаў на БТ.
На наступны дзень пасля элегантных прэзідэнцкіх выбараў 2006 ёй і яшчэ дзясятку журналістаў дзяржаўных СМІ была аб’яўленая падзяка Аляксандра Лукашэнкі. Зрэшты, гэта была не адзіная ўзнагарода палітычнай аглядальніцы.
У апошні час Хрушчова выходзіла ў эфір толькі ў самыя адказныя моманты, як, напрыклад, пасля прэзідэнцкіх выбараў-2010.
«Праграма Лукашэнкі была ясная і зразумелая. Прафесійныя і асабістыя якасці прэзідэнта выбаршчыкі ацэньвалі па пазітыўнага досведу працы. А вось супернікі кіраўніка дзяржавы ніякай пазітыўнай альтэрнатывы выбаршчыкам прапанаваць не змаглі. Быць проста супраць Лукашэнкі — гэта не тая праграма, за якую галасуюць людзі», — была перакананая тады яна.
«Я сышла з БТ менавіта па маральных меркаваннях. І даўно ўжо не займаюся прапагандай. Чаго жадаю ўсім, хто думае, што палітыка — гэта нешта светлае і чыстае. У любым палітычным лагеры вас выкарыстоўваюць», —
тлумачыць Хрушчова ў сваім фэйсбуку.
Яе відэаканал на ЮТубе тым часам прапануе карысныя парады, як хутка прайсці мяжу і выехаць з Беларусі ў Літву.
Дзяніс Бальшакоў
Дзяніс Бальшакоў — прапагандысцкі герой пазнейшага часу. Яго прозвішча стала папулярным пасля Плошчы-2006. Аўтарству ідэйнага трэцякурсніка журфака прыпісалі сюжэты пра шпрыцы і порначасопісы ў намётавым мястэчку.
Тэлефонны нумар Бальшакова аказаўся ў інтэрнэце — і на прапагандыста абрынуўся шквал званкоў і смс-паведамленняў ад абураных гледачоў.
Пакрыўджаны Бальшакоў дайшоў да суда, маўляў, абразілі гонар. Але маладзёнаў, якія дасылалі яму смс-кі, апраўдалі.
Былі і іншыя трыумфальныя ролікі — напрыклад, пра апазіцыйную моладзь, якая спаліла ў лесе гумовую жанчыну з крамы сэкс-тавараў.
Пасля заканчэння ўніверсітэта прапагандыст пайшоў па «камсамольскай лініі». Даслужыўся да кіраўніцтва мінскага гарадскога камітэта БРСМ.
На некаторы час знік з грамадскага жыцця — і аб’явіўся... у далёкай Азіі.
Адтуль ён здымае тэлесюжэты для расійскай службы Цэнтральнага тэлебачання Кітая.
Уласным карэспандэнтам яго называюць і на «Беларусь-1», з’яўляецца твар Бальшакова і на «Міры».
Інэса Плескачэўская
Да спецыяльнага карэспандэнта «Савецкай Беларусіі» і тэлеканала АНТ у Кітаі Інэсы Плескачэўскай прэтэнзій у грамадскасці фактычна не было, калі не лічыць за праблему спрэчны імідж яе працадаўцы.
Выпускніца філасофска-эканамічнага факультэта БДУ, яна некаторы час папрацавала ў сістэме Міністэрстве замежных спраў — у Латвіі і Велікабрытаніі.
На працягу апошніх 13 гадоў Плескачэўская жыла ў Кітаі.
Пісала артыкулы і кнігі, здымала дакументальныя фільмы.
Некалькі месяцаў таму журналістка перабралася ў Еўрасаюз, а калі быць дакладным — у Чэхію.
Апошняя яе штотыднёвая калонка ў галоўнай газеце лукашэнкаўцаў прысвечаная пошуку нацыстаў у Германіі ды палітычнаму крызісу ў Чэхіі. А перад гэтым пакрытыкавала манеру ставіць высозныя агароджы вакол дамоў, што, на яе думку, прыйшла ў Беларусь з Расіі. У Чэхіі, піша яна, ніхто платоў не ставіць.
Пры паездцы з Беларусі ў Польшчу на мяжы чакаць толькі 6 гадзін, а назад — суткі2
Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза19
У сацсетках завірусіўся ролік з канём, які чакае аўтобуса на Магілёў ВІДЭА1
«Зрабілі правільныя высновы». Міністр энергетыкі ацаніў ліквідацыю наступстваў непагадзі1
Белавешкін: «Аземпік» проста інструмент, а не нейкі цуд, які ўсім універсальна падыходзіць4
Найбольш за чэрвень падаражэлі буракі, а патаннела авакада
Грамадзянін Беларусі не можа звольніцца з украінскага войска і атрымаць грамадзянства Украіны1
«Натуральная спакуса — увапхнуць у сябе ўсё, пра што ў няволі заставалася толькі мроіць». Былы палітвязень Карней расказаў пра турэмны рацыён і як ад яго адыходзіць4
У Мінскім раёне мужчына ўпаў у вогнішча і атрымаў апёкі
У Мінску мужчына рабіў рамонт зяцю, а будматэрыялы браў у суседзяў2
У Дзяржынску ў двары дома заўважылі вярблюда ВІДЭА
У Варшаве беларуску затрымалі на падставе запыту Інтэрпала7
З пачатку года шэсць дзяцей загінулі, выпаўшы з вокнаў
Шукаюць двух мужчын, якія заблукалі ў лесе ў розных канцах Беларусі
Каментары