Расійскія кампаніі разглядаюцца ў якасці патэнцыяльных партнёраў будаўніцтва новага азотнага комплексу. Паводле інфармацыі БелаПАН, цікавасць да супрацоўніцтва з ААТ «Гродна Азот» у частцы прамога інвеставання праяўляюць расійскія «Еўрахім», «Газпром Інвестпраект» і «Акрон».
Паводле наяўных звестак, на ўзроўні рабочых груп разглядаецца магчымасць будаўніцтва азотнага комплексу сіламі ААТ «Газпром Інвестпраект» з наступнай перадачай яго ў арэнду ААТ «Гродна Азот».
Як паведамлялася раней, інвестпраект з удзелам «Гродна Азоту» ўваходзіць у лік пяці інтэграцыйных праектаў, рэалізацыя якіх зараз абмяркоўваецца паміж Беларуссю і Расіяй.
Трэба адзначыць, што восенню 2012 года прэм’
Аляксандр Лукашэнка ў студзені 2013 года таксама заяўляў пра магчымы ўдзел Індыі ў будаўніцтве новага комплексу на базе «Гродна Азоту». «Я бачу як варыянт будаўніцтва новага прадпрыемства на трох: расіяне, індусы і мы», — адзначаў кіраўнік дзяржавы.
Між тым пасол Індыі ў Беларусі Манодж Кумар Бхарці заявіў 13 жніўня гэтага года, адказваючы на пытанне БелаПАН, што індыйскі бок больш не праяўляе цікавасці да інвестпраекта на базе «Гродна Азоту».
Як адзначыў дыпламат, у студзені 2013 года Беларусь наведала высокапастаўленая дэлегацыя з Індыі, якая абмяркоўвала ў тым ліку пытанні, што тычацца «Гродна Азоту». Праз некаторы час, паведаміў пасол Індыі, стала вядома, што інвестыцыйны праект на базе «Гродна Азоту» Беларусь наважана рэалізаваць з удзелам расійскага капіталу.
«Пазней нам стала вядома, што беларускі бок мае намер ажыццяўляць гэты праект з удзелам расійскіх кампаній. На гэтым цікавасць індыйскага боку да гэтага праекта завяршылася», — канстатаваў Манодж Кумар Бхарці.
ААТ «Гродна Азот» ўваходзіць у склад найбольш буйных хімічных прадпрыемстваў Беларусі, якія ўтвараюць аснову нафтахімічнага комплексу краіны. Прадпрыемства створана ў 1963 годзе, у 2002 годзе пераўтворана ў адкрытае акцыянернае таварыства, акцыі таварыства належаць дзяржаве.
Цяпер чытаюць
«Туфлі — 400 рублёў». Выпускнікі дзеляцца, у колькі абышліся іх вобразы2
Каментары