Hrodzienskim «Azotam» cikaviacca try rasijskija kampanii

Rasijskija kampanii razhladajucca ŭ jakaści patencyjalnych partnioraŭ budaŭnictva novaha azotnaha kompleksu. Pavodle infarmacyi BiełaPAN, cikavaść da supracoŭnictva z AAT «Hrodna Azot» u častcy pramoha inviestavańnia prajaŭlajuć rasijskija «Jeŭrachim», «Hazprom Inviestprajekt» i «Akron».

Pavodle najaŭnych źviestak, na ŭzroŭni rabočych hrup razhladajecca mahčymaść budaŭnictva azotnaha kompleksu siłami AAT «Hazprom Inviestprajekt» z nastupnaj pieradačaj jaho ŭ arendu AAT «Hrodna Azot».

Jak paviedamlałasia raniej, inviestprajekt z udziełam «Hrodna Azotu» ŭvachodzić u lik piaci intehracyjnych prajektaŭ, realizacyja jakich zaraz abmiarkoŭvajecca pamiž Biełaruśsiu i Rasijaj.

Treba adznačyć, što vosieńniu 2012 hoda prem'jer-ministr Biełarusi Michaił Miaśnikovič prapanavaŭ Indyi ŭziać udzieł u pryvatyzacyi i pašyreńni mahutnaściaŭ «Hrodna Azotu». «Tut možna, vykarystoŭvajučy azotnyja, kalijnyja i fosfarnyja ŭhnajeńni, rabić kampanienty dla vašaha rynku», — padkreślivaŭ Miaśnikovič, udzielničajučy ŭ listapadzie 2012 hoda ŭ pracy biełaruska-indyjskahabiźnies-forumu, jaki prachodziŭ u Ńju-Deli.

Alaksandr Łukašenka ŭ studzieni 2013 hoda taksama zajaŭlaŭ pra mahčymy ŭdzieł Indyi ŭ budaŭnictvie novaha kompleksu na bazie «Hrodna Azotu». «Ja baču jak varyjant budaŭnictva novaha pradpryjemstva na troch: rasijanie, indusy i my», — adznačaŭ kiraŭnik dziaržavy.

Miž tym pasoł Indyi ŭ Biełarusi Manodž Kumar Bcharci zajaviŭ 13 žniŭnia hetaha hoda, adkazvajučy na pytańnie BiełaPAN, što indyjski bok bolš nie prajaŭlaje cikavaści da inviestprajekta na bazie «Hrodna Azotu».

Jak adznačyŭ dypłamat, u studzieni 2013 hoda Biełaruś naviedała vysokapastaŭlenaja delehacyja ź Indyi, jakaja abmiarkoŭvała ŭ tym liku pytańni, što tyčacca «Hrodna Azotu». Praź niekatory čas, paviedamiŭ pasoł Indyi, stała viadoma, što inviestycyjny prajekt na bazie «Hrodna Azotu» Biełaruś navažana realizavać z udziełam rasijskaha kapitału.

«Paźniej nam stała viadoma, što biełaruski bok maje namier ažyćciaŭlać hety prajekt z udziełam rasijskich kampanij. Na hetym cikavaść indyjskaha boku da hetaha prajekta zaviaršyłasia», — kanstatavaŭ Manodž Kumar Bcharci.

AAT «Hrodna Azot» ŭvachodzić u skład najbolš bujnych chimičnych pradpryjemstvaŭ Biełarusi, jakija ŭtvarajuć asnovu naftachimičnaha kompleksu krainy. Pradpryjemstva stvorana ŭ 1963 hodzie, u 2002 hodzie pieraŭtvorana ŭ adkrytaje akcyjaniernaje tavarystva, akcyi tavarystva naležać dziaržavie.

• 0
• 0
• 0
• 0
• 0
• 0
• 0
• 0