Пра гэта заявіў кіраўнік рады дырэктараў «Уралкалія» Аляксандр Валошын.
«Няма нічога немагчымага, але цяпер, напэўна, не самы ўдалы час гэта абмяркоўваць», — перадае яго словы interfax.by.
Пры гэтым Валошын адзначыў, што цяпер галоўнай задачай з’яўляецца «неадкладнае вызваленне Уладзіслава Баўмгертнера і спыненне пераследу чатырох яго калег». Кіраўнік рады дырэктараў «Уралкалія» кажа, што кампанія імкнулася захаваць супрацоўніцтва з беларускім бокам.
Па яго словах, іх цалкам задавальняла супраца з Беларуссю, «нягледзячы на рознагалоссі і ўзаемныя прэтэнзіі, якія перыядычна ўзнікаюць».
Валошын нагадаў, што спыненне экспартных продажаў праз «Беларускую калійную кампанію» было выкліканае дзеяннямі беларускага партнёра, які пачаў весці перамовы са спажыўцамі за рамкамі БКК. У якасці прычыны ён таксама назваў сітуацыю на сусветным рынку.
Цяпер чытаюць
Шэсць фактаў пра Андрэя Шведа — былога генпракурора, які цяпер стаў старшынёй Вярхоўнага суда4
Каментары