15 і 19 лістапада пройдуць стыкавыя матчы еўрапейскай кваліфікацыі чэмпіянату свету 2014. У гэтыя ж дні некаторыя зборныя запланавалі шэраг таварыскіх сустрэчаў.
Як высветлілася, нацыянальная зборная Беларусі згуляе ў гэтыя дні з Албаніяй і Турцыяй.
Паводле галоўнага трэнера Георгія Кандрацьева, матч з Албаніяй адбудзецца дакладна, з Турцыяй — з верагоднасцю на 95%. Абодва матчы пройдуць у Турцыі.
«Мы не падбіралі іх [супернікаў] паводле якога-небудзь прынцыпу, бо пакуль невядома, якія каманды трапяцца ў нашу падгрупу ў еўракваліфікацыі-2016 [лёсаванне групаў у 2016]. Проста менавіта гэтыя зборныя прапанавалі нам згуляць, мы і пагадзіліся», — сказаў Кандрацьеў у інтэрв'ю football.by.
У апошнім рэйтынгу ФІФА зборная Турцыі займае 40-е месца, Албанія — 58-я, Беларусь — 83-я.
У адборачным турніры да чэмпіянату свету — 2014 Беларусь фінішавала на апошнім 5-м месцы ў сваёй групе,
Турцыя ў адборачным турніры — 2014 фінішавала 4-й з 6-ці камандаў (16 балаў), прапусціўшы наперад Галандыю (28), Румынію (19), Венгрыю (17) і апярэдзіўшы Эстонію (7) і Андору (0).
Албанія ў сваёй адборачнай групе фінішавала 5-й з шасці камандаў (11 балаў), апярэдзіўшы толькі Кіпр (5 балаў) і прапусціўшы наперад Швейцарыю (24), Ісландыю (17), Славенію (15), Нарвегію (12).
Албанія была супернікам Беларусі ў адборачным турніры да Еўра-2012. Дома беларусы выйгралі 2:0, у гасцях прайгралі — 0:1.
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары