Мінскі клуб Coyote ужо ў трэці раз праводзіць прэмію Cover King. Гэта спроба вызначыць, хто ў мастацтве інтэрпрэтацыі дасягнуў найбольшых вышынь. Узнагарода таксама не маленькая - $3000.
У клубе даўжэзная чарга – кавер-гурты з усёй краіны рэгіструюцца на конкурс.
Тут і невялікія аркестры з дзесяці чалавек, і дзявочыя гурты, і нават Ігар Варашкевіч з праектам Los Bulbas: тры тысячы даляраў — не маленькая сума,
дый наяўнасць у судзейскім складзе прадстаўнікоў івэнт-агентстваў (патэнцыйных працадаўцаў) абавязвае.
Журы ў «Караля кавераў» адметнае – сярод іншых музычны крытык Зміцер Падбярэзскі і гітарыст Сяргей Трухановіч, чый густ пад сумнеў не паставіш. Да іх далучаецца Ян Жанчак, які перамог у конкурсе летась з гуртам Яnkey.
У мінулым годзе ў конкурсе ўзялі ўдзел сорак камандаў, сёлета – дваццаць чатыры. Цягам месяца па аўторках гурты будуць спаборнічаць паміж сабой у клубе Coyote (пр.Незалежнасці, 117а).
«Я б параіў вам выключыць з рэпертуара песні, якія ўсім надакучылі, - раіць Ян Жанчак. – Напрыклад, «Віделі ночь» альбо «Космодром». І шоу, трэба працаваць з шоу».
Кожнаму калектыву дадуць 20 хвілін, у праграме мусіць быць адна абаязковая для кожнага гурту песня. Выбар песняў таксама выглядае відавочным: Come Together, No Woman No Cry, Knockin’ on Heaven’s Door і You Never Can Tell.
Па словах арганізатараў, такія конкурсы дапамагаюць маладым выканаўцам: шмат хто, перамагаючы, пачынае ствараць і свой аўтарскі матэрыял.
-
Як K-pop, толькі B-pop — спявачка Паліна Дабравольская запісала новы альбом на беларускай і польскай мовах
-
«Яндэкс Музыку» немагчыма слухаць». Беларусы абураныя аб’ёмамі цэнзуры праз расійскі закон аб прапагандзе наркотыкаў
-
Беларусы размятаюць квіткі на канцэрты зумера Вані Дзмітрыенкі з Краснаярска не толькі ў Мінску, але ў рэгіёнах
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары