«Украіна павінна заставацца адзінай, непадзельнай і цэласнай, але Крым дэ-факта сёння — частка Расіі»,
— заявіў Аляксандр Лукашэнка, размаўляючы з журналістамі пасля галасавання на выбарах дэпутатаў Мінгарсавета на ўчастку №1 Вяснянскай выбарчай акругі №39.
«Мы свой пункт гледжання вызначылі і выказалі. Ад нас ніхто і не патрабуе прызнаць і падтрымаць расіян ці наадварот», — сцвярджае кіраўнік дзяржавы.
Аляксандр Лукашэнка лічыць, што ўкраінскія ўлады дапусцілі мноства памылак, якія прывялі ў выніку да страты Крыму.
«Украінскія ўлады дапусцілі вельмі шмат памылак і самі падставілі. Кажуць, што Расія адцяпала Крым. Дык вы, палітыкі, не падстаўляйцеся.
Расія ўбачыла, што робіцца. Там у Крыме 2,5 мільёна рускіх [паводле апошняга перапіса 1,3 млн — НН], і Расія ўмяшалася».
Паводле яго слоў, адной з прычын крымскага крызісу стала пазіцыя ўкраінскіх уладаў па моўнай пытанні.
«Усё, што адбылося і адбываецца ва Ўкраіне, мне катэгарычна агідна і не падабаецца», — прызнаўся Лукашэнка.
Аляксандр Лукашэнка лічыць, што Захад пабаіцца ўвесці сур'ёзныя санкцыі ў дачыненні да Расеі за яе палітыку ва Украіне.
«Захад — гэта такая прафанацыя, гэта ні на што не здольныя людзі», — заявіў А.Лукашэнка журналістам у нядзелю ў Мінску. «Колькі было пылу «ды мы!». Я ўжо спалохаўся, каб да вайны не дайшло. [У выніку ж] дваццаць чалавек не пусцяць у Еўропу:
частку, якая ўвогуле ніколі не ездзіла ў Еўропу, а частка — па службовых абавязках не павінны туды ехаць», — сказаў Лукашэнка.
«Украіна павінна застацца адзінай краінай, непадзельнай і пазаблокавай дзяржавай. Калі заўтра ў Украіне высадзіцца НАТА, гэта для нас катэгарычна непрымальна», — засцярог Лукашэнка.
Ён падкрэсліў, што федэралізацыя Украіны можа прывесці да далейшай эскалацыі ў грамадстве. «Федэрацыя — гэта вельмі небяспечна для дзяржавы. Гэта вайна, гэта можа выліцца ў далейшае супрацьстаянне і бойку», — сказаў Лукашэнка.
«Федэрацыя — гэта «піяніна», на якім будуць гуляць, з аднаго боку, адны сілы, з другога боку, іншыя сілы, у тым ліку знешнія. Гэта назаўжды дэстабілізуе абстаноўку. Назаўжды!» — сказаў Лукашэнка.
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію2
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары