Перамовы кіраўніка МЗС Расіі Сяргея Лаўрова і дзяржсакратара ЗША Джона Керы, якія доўжыліся чатыры гадзіны, завяршыліся безвынікова. Аб гэтым піша The New York Times.
Керы пасля сустрэчы сказаў журналістам, што пагадзіўся з расійскім калегам пра важнасць знаходжання дыпламатычнага рашэння і адначасова задавальнення патрабаванняў украінскага народа. Дзяржсакратар адзначыў, што бакі разышліся ў ацэнцы падзей, якія прывялі да крызісу.
У сваю чаргу, Лаўроў заявіў, што сустрэча была канструктыўнай, і кіраўнікі знешнепалітычных ведамстваў разлічваюць на хуткі працяг дыскусій.
Акрамя таго, Лаўроў заявіў, што Расія і ЗША будуць сумесна працаваць з украінскімі ўладамі, дамагаючыся вырашэння крызісу ў краіне, а таксама сачыць за выкананнем ва Украіне правоў нацыянальных меншасцяў. Для гэтага, па словах міністра, ён будзе яшчэ не раз сустракацца з Джонам Керы.
Перамовы Керы і Лаўрова ў Парыжы сталі першай афіцыйнай сустрэчай прадстаўнікоў ЗША і Расіі пасля таго, як Вашынгтон 20 сакавіка увёў пашыраныя санкцыі супраць Расіі.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ28
Каментары