Кіраўнік расійскага МЗС Сяргей Лаўроў заявіў журналістам, што калі на ўсходзе Украіны пачнецца сілавая аперацыя, то гэта можа прывесці да зрыву перамоваў у Жэневе, прызначаных на 17 красавіка.
Ён таксама заклікаў не верыць тым, хто заяўляе, што Расія хоча сарваць сустрэчу па Украіне.
«Не верце, гэта ўсё няпраўда», — заявіў міністр. Лаўроў таксама назваў сустрэчу ў Жэневе «небескарысным фарматам», каб сказаць ЗША, каго яны прывялі да ўлады.
На прэс-канферэнцыі па выніках перамоў з кіраўніком МЗС КНР Ван І кіраўнік расійскай дыпламатыі таксама заявіў, што ідэя запрасіць міратворцаў ААН для ўдзелу ў дзеяннях на ўсходзе Украіны не лезе ні ў якія вароты.
Лаўроў таксама чарговы раз нагадаў пра неабходнасць правесці на Украіне канстытуцыйную рэформу.
Каментары