Егіпет: Мубарак і яго сыны прысуджаныя да турэмнага зняволення за растрату
Суд у Каіры сёння прысудзіў былога прэзідэнта Егіпта Хосні Мубарака, які быў зрынуты ў 2011 годзе, да трох гадоў турмы за крадзеж дзяржаўных сродкаў. Сыны Мубарака — Алаа і Гамаль — былі асуджаныя за тое ж злачынства і павінны будуць панесці пакаранне і правесці чатыры гады ў турме.
Асуджаныя павінны таксама выплаціць штраф у памеры 21,1 млн. егіпецкіх фунтаў (2,9 млн. даляраў) і вярнуць прысвоеныя грошы — 125 мільёнаў егіпецкіх фунтаў (17,6 мільёна даляраў). Справа тычыцца сродкаў, якія былі прызначаныя для абнаўлення і падтрымання прэзідэнцкіх палацаў, а былі выкарыстаныя для павышэння ўзроўню асабнякоў сям'і Мубарака.
Мубарак таксама абвінавачваецца ў датычнасці да гібелі больш за 800 удзельнікаў вулічных пратэстаў, якія ў пачатку 2011 прывялі да яго звяржэння. У 2012 годзе былы прэзідэнт быў для асуджаны на пажыццёвае зняволенне, але прысуд быў адменены на працэсуальных падставах.
Каментары