Адміністрацыя прэзідэнта выдаліла з сайта афіцыйнага інтэрнэт-прадстаўніцтва в.а. прэзідэнта распараджэнне Турчынава аб ўрачыстых мерапрыемствах на Майдане Незалежнасці ў Кіеве з нагоды ўступлення на пасаду новаабранага прэзідэнта.
Зараз дадзенае распараджэнне на сайце адсутнічае, адзначаюць «Украінскія Навіны».
Прадстаўнік прэс-службы Адміністрацыі паведаміў, што распараджэнне знята з сайта па даручэнні кіраўніцтва АП, дадаўшы, што прычына такога рашэння яму не вядомая.
Як паведамлялася, распараджэннем №931 ад 29 мая Турчынаў стварыў рабочую групу па забеспячэнні правядзення на Майдане Незалежнасці ў Кіеве ўрачыстых мерапрыемстваў з нагоды ўступлення на пасаду новаабранага прэзідэнта. Працоўную групу ўзначаліў першы віцэ-прэм'ер Віталь Ярэма.
Групе было даручана прапрацаваць пытанне і распрацаваць меры па нармалізацыі сітуацыі на Майдане і прылеглых да яго вуліцах у Кіеве і стварыць умовы для забеспячэння належнага выканання Кіевам функцый сталiцы, прадугледзеўшы, у прыватнасці, правядзенне на Майдане мерапрыемстваў памяці загінулых удзельнікаў мірных акцый пратэсту на працягу лістапада 2013 — лютага 2014 года.
Турчынаў таксама стварыў аргкамітэт з нагоды інаўгурацыі прэзідэнта. Штаб кандыдата ў прэзідэнты Парашэнкі заявіў, што прыняцце прысягі новаабраным прэзідэнтам адбудзецца 7 чэрвеня і што яны не плануюць якіх-небудзь урачыстых падзей на Майдане з нагоды інаўгурацыі.
Цяпер чытаюць
Лукашэнка загадаў прышчапляць нелюбоў да Польшчы пачынаючы са школы72
Лукашэнка загадаў прышчапляць нелюбоў да Польшчы пачынаючы са школы
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары