Вікторыя Азаранка ўпершыню за апошнія тры гады пакінула пяцёрку наймацнейшых тэнісістак свету. У новым рэйтынгу WTA, апублікаваным 9 чэрвеня, яна займае восьмае месца, апусціўшыся на тры радкі.
У топ-5 беларуская спартсменка бесперапынна знаходзілася з 11 красавіка 2011 г., а ў топ-8 — з 21 сакавіка таго ж года.
Азаранка працягвае аднаўляцца пасля траўмы і ў спаборніцтвах не ўдзельнічае, што і стала прычынай пагаршэння рэйтынгу. Чакаецца, што тэнісістка выступіць на Адкрытым чэмпіянаце Англіі (Уімблдон) у канцы чэрвеня, паведамляе БелаПАН
Першае месца працягвае займаць Серэна Уільямс (9 660 балаў), затым — Лі На (7 450), Сімона Халеп (6 435), Агнешка Радванская (5 990), Марыя Шарапава (4 741), Петра Квітава (4 570), Елена Янкавіч (3 995).
У Азаранкі 3 841 бал, і ёй наступае на пяткі Ангеліка Кербер з Германіі (3 830), замыкае дзясятку Дамініка Цыбулкава са Славакіі (3 735).
-
Франья фон Альмен стаў трохразовым алімпійскім чэмпіёнам
-
Уладальнік «МЛ Віцебск» пра мэты клуба: Выйграць чэмпіянат, Кубак і Суперкубак, а таксама прайсці ў групавы этап аднаго з еўракубкаў
-
Амерыканскі фігурыст выканаў на Алімпіядзе элемент, які 50 гадоў быў забаронены, — за яго не даюць балаў, але гледачы ў захапленні ВІДЭА
Цяпер чытаюць
Эйсмант: Лукашэнка не зможа паляцець на Саміт міру ў ЗША, бо паветраная прастора Еўропы для яго закрытая33
Каментары