Калеснікава: «Словы «даўбіць-даўбіць-даўбіць» выклікаюць нейкае шаленства». А яна мела на ўвазе іншае
На сустрэчы з беларускімі журналістамі ўчора ў Марыі Калеснікавай спыталі пра яе слоган у 2020 годзе — «даўбіць-даўбіць».
Экс‑палітвязень падкрэсліла, што тады мела на ўвазе выключна мірныя меры ўздзеяння — галасаваць, пісаць заявы, выходзіць, піша DW Беларусь.
«Я вельмі часта тлумачыла гэта, мне вельмі часта задавалі гэта пытанне следчыя і ў судзе. Гэтыя тры словы чамусьці дагэтуль выклікаюць нейкае шаленства. Калі вырываць іх з кантэксту, яны гучаць так, як гучаць. Але сэнс у мірных дзеяннях і ніколі — у агрэсіўных або захопе ўлады, пра гэта ўвогуле не ішлося».
На пытанне пра тое, які слоган у Марыі Калесьнікавай у 2026 годзе, яна заявіла, што цяпер трэба ратаваць беларусаў.
«Я дзеяслоў яшчэ не прыдумала, давайце — ратаваць, ратаваць, ратаваць або любіць, любіць, любіць».
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе29
Каментары