Аддзяленьне радыяцыйнай гігіены менскага цэнтру гігіены і эпідэміялогіі праводзіць абсьледаваньне тратуарнай пліткі на сталічнай плошчы Незалежнасьці.
Раней беларускія СМІ паведамілі, што плітка на плошчы Незалежнасці мае павышаны радыяцыйны фон. До заканчэння абследаванняў І.Альшэўскі адмовіўся даць звесткі аб перавышэнні дапушчальных норм. Разам з тым ён абвергнуў інфармацыю аб тым, што «ўзровень гама‑фону перавышае дапушчальную дозу ў два разы», зазначыўшы, што ўзровень перавышэння значна ніжэйшы.
Пры гэтым І.Альшэўскі падкрэсліў, што плітка «не ўяўляе ніякай пагрозы для здароўя» насельніцтва. Паводле яго слоў, «размова ідзе аб прыродных радыенуклідах, што ўтрымліваюцца ў граніце», — «дапушчальнае значэнне для прыроднага каменю заўсёды крыху адрозніваецца». Спецыяліст паведаміў, што граніт для тратуарнай пліткі прывезены з Украіны, таму што ў Беларусі не здабываюць такі матэрыял. І.Альшэўскі таксама абвергнуў інфармацыю аб тым, што маюць павышаны радыяцыйны фон будынкі Мінгарвыканкама і ратушы.
Як паведаміў спецыяліст, па выніках абследаванняў будуць дадзены рэкамендацыі для будаўнікоў.
У праваахоўных органах Беларусі пакуль адмаўляюцца даваць якія‑небудзь каментарыі на прадмет магчымых прававых наступстваў выкарыстання пры рэканструкцыі плошчы Незалежнасці матэрыялу з павышаным радыяцыйным фонам.
Цяпер чытаюць
Андрэй Швед, архітэктар рэпрэсій, прызначаны старшынёй Вярхоўнага суда13
Каментары