Смяротнай стала любоў да футбола для аднаго кітайскага заўзятара. Фанат памёр пасля таго, як правёў некалькіх начэй без сну за праглядам прамых трансляцый з чэмпіянату свету, які праходзіць у гэтыя дні ў Бразіліі.
Жыхару горада Сучжоў было ўсяго толькі 25 гадоў. Цела маладога чалавека знайшлі раніцай 14 чэрвеня. Труп ляжаў перад тэлевізарам. За некалькі гадзін да здарэння завяршыўся матч паміж камандамі Нідэрландаў і Іспаніі (5:1).
Цела агледзелі медыкі, і зрабілі выснову, што прычынай смерці стаў недахоп сну.
У прыватнасці, смяротнымі маглі стаць моцнае ператамленне і недасыпанне, якія выклікалі сардэчны прыступ.
Розніца ў часе паміж Кітаем і Бразіліяй такая, што жыхарам Паднябеснай даводзіцца глядзець трансляцыі глыбокай ноччу, у сувязі з чым яны вымушаныя ахвяраваць сном.
Цяпер чытаюць
Лукашэнка пра вызваленне палітвязняў: Хочуць застацца ў Беларусі — калі ласка6
Каментары