Двое расійскіх журналістаў папрасілі прабачэння за тое, што хлусілі пра падзеі ва Украіне
Журналісты тэлеканала міністэрства абароны Расіі «Звезда» прызналі, што скажалі інфармацыю пра падзеі на усходзе Украіны.
У распараджэнне «5 канала» трапілі заявы Яўгена Давыдава і Мікіты Канашэнкава, у якіх яны просяць прабачэння перад народам Украіны за адкрытую хлусню расійскіх СМІ.
Давыдаў і Канашэнкаў прызнаюцца ў тым, што за час працы ў Славянску і Краматорску амаль уся інфармацыя, якую яны апублікавалі — выдуманая.
Гатовыя тэксты ім дасылалі з рэдакцыі ў Маскве. Менавіта гэтыя двое распаўсюдзілі матэрыял аб нібыта выкарыстанні фосфарных бомбаў пад Славянскам і аб выкарыстанні ўкраінскай арміяй установак «Град» супраць мірнага насельніцтва.
Сярод іншага журналіст паведаміў: «Пра тэмы для здымак мне казала кіраўніцтва тэлеканала ў Маскве. У тым ліку аб фосфарных бомбах, якія я асабіста не бачыў. Факты неадпаведнасці абстаноўкі таму, што паказвае расейскае ТБ, назіраў неаднаразова. У сувязі з чым прыносім прабачэнні народу Украіны».
Як вядома, Яўгена Давыдава і Мікалая Канашэнкава затрымала Служба бяспекі Украіны ў Днепрапятроўску. Пасля размовы іх перадалі расійскім дыпламатам.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары