Прэзідэнт Літвы Даля Грыбаўскайце павіншавала ўкраінскі народ з нагоды падпісання Пагаднення аб асацыяцыі паміж Украінай і Еўрапейскім Саюзам.
МЗС Украіны атрымала ад Канцылярыі прэзідэнта Літоўскай Рэспублікі Далі Грыбаўскайце яе афіцыйнае віншаванне ўкраінскага народу з нагоды падпісання Пагаднення аб асацыяцыі паміж Украінай і ЕС.
У відэазвароце да ўкраінцаў Грыбаўскайце сказала: «Паважаны народ Украіны, сёння Еўрапейскі Саюз падпісаў Пагадненне аб асацыяцыі з Украінай.
Вітаю ваш выбар быць еўрапейцамі».
«Пагадненне аб асацыяцыі — гэта ваш шлях да большай свабоды, дэмакратыі і Еўрапейскага дабрабыту», — адзначыла прэзідэнт Літвы, звяртаючыся да ўкраінцаў.
Яна падкрэсліла, што «Літва і ўсе краіны - члены ЕС вітаюць рашучага партнёра. Гэта наша агульная магчымасць падзяліцца з вамі лепшым, што мы маем - каштоўнасцямі і партнёрствам ».
«Гэта вялікі дзень для Еўропы. Бо Украінскі народ - гэта народ, які верыць у еўрапейскі лад жыцця. У цяперашніх рэаліях еўрапейскі выбар з'яўляецца вызначальным, асабліва для Украіны», — гаворыцца ў звароце.
«Паважаныя грамадзяне Украіны! Я віншую Вас з падпісаннем Пагаднення аб асацыяцыі і вітаю вас у Еўрапейскай сям'і! Слава Украіне!», — сказала прэзідэнт Літвы.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца7
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары