Prezident Litvy Dala Hrybaŭskajcie pavinšavała ŭkrainski narod z nahody padpisańnia Pahadnieńnia ab asacyjacyi pamiž Ukrainaj i Jeŭrapiejskim Sajuzam.
MZS Ukrainy atrymała ad Kancylaryi prezidenta Litoŭskaj Respubliki Dali Hrybaŭskajcie jaje aficyjnaje vinšavańnie ŭkrainskaha narodu z nahody padpisańnia Pahadnieńnia ab asacyjacyi pamiž Ukrainaj i ES.
U videazvarocie da ŭkraincaŭ Hrybaŭskajcie skazała: «Pavažany narod Ukrainy, siońnia Jeŭrapiejski Sajuz padpisaŭ Pahadnieńnie ab asacyjacyi z Ukrainaj.
Vitaju vaš vybar być jeŭrapiejcami».
«Pahadnieńnie ab asacyjacyi — heta vaš šlach da bolšaj svabody, demakratyi i Jeŭrapiejskaha dabrabytu», — adznačyła prezident Litvy, źviartajučysia da ŭkraincaŭ.
Jana padkreśliła, što «Litva i ŭsie krainy - členy ES vitajuć rašučaha partniora. Heta naša ahulnaja mahčymaść padzialicca z vami lepšym, što my majem - kaštoŭnaściami i partniorstvam ».
«Heta vialiki dzień dla Jeŭropy. Bo Ukrainski narod - heta narod, jaki vieryć u jeŭrapiejski ład žyćcia. U ciapierašnich realijach jeŭrapiejski vybar źjaŭlajecca vyznačalnym, asabliva dla Ukrainy», — havorycca ŭ zvarocie.
«Pavažanyja hramadzianie Ukrainy! Ja vinšuju Vas z padpisańniem Pahadnieńnia ab asacyjacyi i vitaju vas u Jeŭrapiejskaj siamji! Słava Ukrainie!», — skazała prezident Litvy.
Ciapier čytajuć
Zahinuŭ biełaruski dobraachvotnik Alaksiej Łazaraŭ2
Kamientary