13 і 14 ліпеня ўкраінскія бранятанкавыя часці не толькі разблакавалі аэрапорт Луганска, але і прарвалі пазіцыі баевікоў на заходніх і паўднёвых подступах да горада.
Прадстаўнікі самаабвешчанай Луганскай Народнай Рэспублікі прызналі, што ўкраінскія танкі ўвайшлі ў сяло Раскошнае Лутугінскага раёна. Гэта на поўдзень ад горада, на паўночны захад ад аэрапорта (за межамі дадзенай мапы, ніжэй ад дарогі Раскошнае — Храшчаватае)
Прэс-цэнтр Антытэрарыстычнай аперацыі заявіў, што ўкраінцы вызвалілі таксама Аляксандраўку (на захад ад Луганска). Аднак ЛНР у сваім Твітары сцвярджае, што ўкраінцы пазней адступілі з гэтага населенага пункта, а таксама з Радакова і Юбілейнага.
Адкрытай застаецца дарога на Краснадон—Ізварына, па якой баевікі могуць адступіць у Расію. Украінскія часці вядуць цяжкія баі вакол гэтых гарадоў.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі12
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3939
Каментары